“मंगळसूत्र घातल्यावर त्याचं पावित्र्य ठेवा”, उदय सामंतांच्या ‘त्या’ वक्तव्यावरून नारायण राणेंचा टोला, महायुतीत वादाची ठिगणी?

रत्नागिरी-सिंधुदुर्गच्या जागेवरून महायुतीत रस्सीखेच चालू आहे. ही रस्सीखेच पाहून येथील विद्यमान खासदार विनायक राऊत म्हणाले, “महायुतीतले लोक आता एकमेकांच्या उरावर बसू लागलेत.” किरण सामंत या जागेसाठी मोर्चेबांधणी करत असताना त्यांचे बंधू उदय सामंत हेदेखील आपल्या भावाचं बळ वाढवण्याचा प्रयत्न करत आहेत.

आणखी वाचा

First List of Congress : वांद्र्यातून असिफ झकारिया तर, मालाडमधून अस्लम शेख; काँग्रेसची पहिली यादी जाहीर? पक्षाने दिलं स्पष्टीकरण!

पवारांनी २५ वर्षांपूर्वी दिलेले आश्वासन अजित पवारांनी पाळले,…

“शिंदे सरकारने किक्रेटपटूंना जाहीर केलेलं बक्षीस अद्यापही दिलं नाही”; जितेंद्र आव्हाडांचा दावा!

बनावट कागदपत्रांच्या आधारे मतदार म्हणून नोंदणी करण्याचा प्रयत्न; निवडणूक आयोगाची फसवणूक

“लोकसभेला कोल्हापूरची जागा स्वराज्य पक्षाला देण्याचा शब्द काँग्रेसने दिला होता, पण…”; नेमकं काय म्हणाले संभाजीराजे छत्रपती?

महिला व बाल विकास मंत्री अदिती तटकरे यांचे फेसबुक अकाऊंट हॅक

कोजागिरी पौर्णिमेला लाखो भाविकांनी घेतले तुळजाभवानीचे दर्शन

Udayanraje : महाराष्ट्रात निवडणुकीनंतर कुणाचं सरकार येणार? उदयनराजेंचं उत्तर, “फुल स्विंगमध्ये…”

IPS भाग्यश्री नवटाकेंचा पाय आणखी खोलात? १२०० कोटींच्या घोटाळ्याच्या चौकशीप्रकरणी सीबीआयकडून गुन्हा दाखल

उदय सामंत काही वेळापूर्वी प्रसारमाध्यमांसमोर म्हणाले, महाराष्ट्रात लोकसभेचे एकूण ४८ मतदारसंघ आहेत. कोणीही, कुठल्याही जागेवर दावा करू शकतो. प्रत्येकाला तसा अधिकार आहे. रत्नागिरी-सिंधुदुर्ग मतदारसंघाची पार्श्वभूमी पाहता ही जागा शिवसेनेकडेच असायला हवी. या लोकसभा मतदारसंघात माझा विधानसभा मतदारसंघ आहे. माझ्या मतदारसंघातून महायुतीला सव्वालाख मतं मिळतील. बाजूच्या सिंधुदुर्गमधून म्हणजेच दिपक केसरकरांच्या मतदारसंघात आमचं मोठ मताधिक्य आहे. त्यामुळे आम्ही या जागेवर दावा केला आहे.

उदय सामंत म्हणाले, ज्या ठिकाणी शिवसेनेचा उमेदवार लढला असेल आणि तिथे उमेदवार बदलायचा असेल किंवा जिथे भाजपाचा उमेदवार लढला असेल आणि तिथे आता बदल करायचा असेल, तर हे केवळ बोलण्याने होत नाही. आजही या जागेवर शिवसेनेचा अधिकार आहे, एकनाथ शिंदेंचा या जागेवर दावा आहे. त्यामुळे या जागेबाबत एकनाथ शिंदे घेतील तो निर्णय आम्हाला मान्य असेल.

हे ही वाचा >> सातारा : भुजबळांकडून सावित्रीबाई फुलेंना अभिवादन, शरद पवार गट आक्रमक; दुग्धाभिषेकासह स्मृतीस्थळाचं शुद्धीकरण

मंगळसूत्राचं पावित्र्य जपावं लागेल : राणे

उदय सामंतांच्या वक्तव्यावर भाजपा नेते आणि केंद्रीय मंत्री नारायण राणे यांनी पलटवार केला आहे. नारायण राणे म्हणाले, उदय सामंत बोलतील आणि तसा निर्णय होईल, असं होणार नाही. आम्ही ओरिजनल आहोत. आम्ही पहिल्यापासून इथे आहोत. आम्ही भाजपात असलो तरी या जागेवर आमचा दावा कायम आहे. कोणता उमेदवार या जागेवरून निवडणूक लढणार ते आमचा पक्ष ठरवेल. उदय सामंत यांनी यावर भाष्य करू नये, असं मला वाटतं. मी कधी यावर भाष्य करतो का? युतीत नांदायचं असेल तर त्याचं पावित्र्य ठेवावं लागेल. एकदा मंगळसूत्र घातलं की, त्याचं पावित्य जपावं लागेल.