“…आता मला जेवण जाणार नाही”, ‘त्या’ प्रश्नावर नारायण राणेंचा संताप

पत्रकार परिषदेत उद्धव ठाकरे आणि उबाठा गटाच्या ‘होऊ दे चर्चा’ या कार्यक्रमाविषयी विचारल्यावर नारायण राणे संतापले. केंद्रीय मंत्री राणे म्हणाले, मला आता जेवायचं आहे रे…तू असं नाव घेतलंय की मला जेवण पण जाणार नाही…कसला कार्यक्रम आहे तो? त्यावर राणे यांना सांगण्यात आलं की, ठाकरे गटाने जनतेशी चर्चा करण्यासाठी ‘होऊ दे चर्चा’ असा कार्यक्रम सुरू केला आहे. ज्यामध्ये मोदी सरकारच्या गेल्या १० वर्षांतील कामांवर चर्चा केली जात आहे. यावर नारायण राणे म्हणाले, मोदींच्या १० वर्षांतील कामाविषयी बोलण्यापेक्षा उद्धव ठाकरे यांनी अडीच वर्षात काय काम केलं ते सांगावं.

आणखी वाचा

“मन दुखावले, जिव्हारी लागले…” आमदार संजय राठोड असे का म्हणाले?

Madhuri Dixit : डर चित्रपट माधुरी दीक्षितने का…

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

Sadhguru on Adani: ‘उद्योगपतींवरून संसदेत रणकंदन नको’, अदाणींना समर्थन देत सद्गुरुंनी व्यक्त केली नाराजी

‘डॉन’ नाही, तर ‘या’ चित्रपटात दिसणार होतं ‘खइके पान बनारस वाला’ गाणं पण…, झीनत अमान यांनी सांगितलेला किस्सा चर्चेत

सोनू निगम कार्यक्रम सोडून गेलेल्या नेत्यांवर नाराज; म्हणाला, “हा सरस्वतीचा अपमान…”

‘लाल सिंग चड्ढा’च्या अपयशाने निराश झाला होता आमिर खान, करीना कपूर खानने केला खुलासा; म्हणाली…

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

नारायण राणे म्हणाले, उद्धव ठाकरे यांनी अडीच वर्षांत काय पराक्रम केला ते सांगावं, राज्याचं दरडोई उत्पन्न किती वाढवलं? जीडीपी किती वाढवला? किती रोजगार निर्माण करून दिले. गरिबीचं प्रमाण किती कमी केलं? कुपोषणाचं प्रमाण किती कमी केलं? मुळात हे विषय उद्धव ठाकरेंना कळणार नाहीत. त्यांना यातली माहितीही नसेल. खोके-ठोके याच्यापलिकडे ते जात नाहीत.

केंद्रीय मंत्री नारायण राणे यांनी बुधवारी (४ ऑक्टोबर) खासदार गजानन कीर्तिकर यांच्या ‘शिवसेना, लोकाधिकार आणि मी’ या पुस्तक प्रकाशन सोहळ्याप्रसंगी बोलतानादेखील उद्धव ठाकरे यांच्यावर टीका केली होती. नारायण राणे म्हणाले, “माझं तोंड उद्धव ठाकरेंनी उघडायला लावू नये. अन्यथा ‘मातोश्री’चा दरवाजा उघडणार नाही. एअर इंडियाचा मॅनेजर उद्धव ठाकरेंना महिन्याला २५ लाख रूपये द्यायचा.”

हे ही वाचा >> “भाजपाच्या मेहरबानीने पालकमंत्री…”, हसन मुश्रीफांना भाजपा नेत्याचा टोला; म्हणाले, “कोल्हापुरात संघर्ष अटळ”

“सुब्रत सहारा यांनी एक हॉटेल विकत घेतलं. तेथील पहिल्या कामगारांना काढण्याचा निर्णय घेण्यात आला. मग, हॉटेलमधील १४० मराठी कामगारांना कामावरून काढायचं कसं हा प्रश्न पडला. उद्धव ठाकरेंनी शिवसैनिकांना हॉटेलमध्ये दगडफेक करण्यात सांगितलं. नंतर उद्धव ठाकरेंकडे तडजोड झाली. एक कामगारामागे ४ लाख रूपये याप्रमाणे ७ कोटी रुपये उद्धव ठाकरेंनी घेतले. त्यामुळे १४० कामगार बेकार झाले,” असं नाराय राणे यांनी सांगितलं.