खासदार नवनीत राणा यांनी आदिवासी नृत्य करून केली धुळवड साजरी

मेळघाटातील आदिवासी समुदायातील नागरिकांसोबत खासदार नवनीत राणा आणि त्यांचे पती रवी राणा यांनी धुलिवंदनाचा आनंद घेतला. यावेळी नवनीत राणा यांनी आदिवासींचं प्रसिद्ध कोरकू नृत्य केलं. त्यांचा नृत्याचा व्हिडीओ सोशल मीडियावर व्हायरल होत आहे. यात खासदार नवनीत राणा आदिवासी महिलांसोबत नृत्य करताना दिसत आहे.

#WATCH Maharashtra: Independent MP from Amravati, Navneet Rana dances with the tribals of Melghat. #Holi pic.twitter.com/g5XPiewD4x

— ANI (@ANI) March 10, 2020

राज्याच्या सर्वच भागात धुळीची धूम दिसून आली. अनेक भागात पारंपरिक पद्धतीनं धुळवड साजरी करण्यात आली. तर काही ठिकाणी गालबोटही लागलं.

पुण्यात राडा-

चतुःशृंगी परिसरात दोन गटांमध्ये धुळवड खेळत असताना काही वादाची ठिणगी पडली. नेमकं कोणत्या गोष्टीवरुन हे भांडण झालं हे कारण समजू शकलं नाही. मात्र यानंतर दोन्ही गटात तुफान हाणामारी झाली. हा सगळा प्रकार सीसीटीव्हीत कैद झाला आहे.