NCP Candidate 3rd List : मोठी बातमी! अजित पवारांच्या राष्ट्रवादीची तिसरी यादी जाहीर; कोणाला कोणत्या मतदारसंघातून मिळाली उमेदवारी?

राष्ट्रवादी काँग्रेस (अजित पवार) पक्षाचे प्रदेशाध्यक्ष सुनील तटकरे यांनी आज पत्रकार परिषदेत ही घोषणा केली आहे. यामध्ये गेवराई विधानसभा मतदारसंघामधून विजयसिंह पंडित, पारनेरमधून काशिनाथ दाते, फलटणमधून सचिन पाटील आणि निफाडमधून दिलीप बनकर यांना उमेदवारी देण्यात आली आहे.

हेही वाचा : Priti Band : उद्धव ठाकरेंना धक्का; ऐन निवडणुकीत बडनेरात ठाकरे गटात बंडखोरी, प्रिती बंड अपक्ष निवडणूक लढणार

कोणत्या उमेदवारांची घोषणा करण्यात आली? वाचा यादी!

पारनेरमध्ये काशिनाथ दाते विरुद्ध राणी लंके सामना रंगणार

पारनेर विधानसभा मतदारसंघात राष्ट्रवादी काँग्रेस (शरद पवार) पक्षाकडून खासदार निलेश लंके यांच्या पत्नी राणी लंके यांना उमेदवारी देण्यात आली आहे. आता राष्ट्रवादी काँग्रेस (अजित पवार) पक्षाकडून पारनेरसाठी काशिनाथ दाते यांना उमेदवारी जाहीर करण्यात आली आहे. त्यामुळे पारनेरमध्ये आता काशिनाथ दाते विरुद्ध राणी लंके असा सामना रंगणार आहे.

दरम्यान, राष्ट्रवादी काँग्रेस (अजित पवार) पक्षाच्या याआदी दोन याद्या जाहीर करण्यात आल्या होत्या. त्यामध्ये बारामती विधानसभा मतदारसंघामधून अजित पवार, आंबेगाव विधानसभा मतदारसंघामधून दिलीप वळसे पाटील, येवला मतदारसंघामधून छगन भुजबळ, श्रीवर्धनमधून अदिती तटकरे, मावळमधून सुनील शेळके, अहिल्यानगर शहर (अहमदनगर) संग्राम जगताप, परळीमधून धनंजय मुंडे यांच्यासह आदी नेत्यांच्या नावाचा सहभाग होता.