“संजय राऊत यांनी चंद्रशेखर बावनकुळेंचे सगळे फोटो समोर आणावेत म्हणजे…”, एकनाथ खडसे काय म्हणाले?

तुषार दोशी यांची बदली ही प्रशासकीय बाब आहे. त्यावर मी भाष्य करणार नाही असं खडसे म्हणाले. छगन भुजबळ यांनी कायमच ओबीसी समाजाच्या न्याय हक्कांसाठी लढा दिला आहे. मराठा समाजाविषयी द्वेष असण्याचं काही कारण नाही. ही भूमिका प्रत्येकानेच घेतली पाहिजे असं मला वाटतं असंही खडसे म्हणाले.

नेमकं प्रकरण काय?

‘महाराष्ट्र पेटलेला आहे आणि हे महाशय मकाऊ येथील कॅसिनोत जुगार खेळत आहेत’ अशी एक्स पोस्ट संजय राऊत यांनी केली होती. याबरोबरच बावनकुळे कॅसिनोमध्ये बसले असल्याचे छायाचित्र जोडले. कॅसिनोमधील जुगारात बावनकुळे यांनी साधारण साडे तीन कोटी उडविल्याचे प्रत्यक्षदर्शी सांगतात. हिंदुत्ववादी असल्याने महाशय खेळले तर बिघडलं कुठे? अशी पोस्ट राऊत यांनी केली होती.

‘मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर आहे. या हॉटेलच्या तळ मजल्यावर रेस्टॉरंट आणि कॅसिनो एकच आहे. जेवण केल्यानंतर मी कुटुंबीयांसह रेस्टॉरंटमध्ये बसलो असताना कुणीतरी काढलेला हा फोटो आहे”, असा खुलासा बावनकुळे यांनी केला. ज्यानंतर आरोप-प्रत्यारोप सुरु झाले. आज सकाळीच संजय राऊत यांनी भाजपा म्हणजे भारतीय जुगार पार्टी असल्याचंही म्हटलं. त्यानंतर आता राष्ट्रवादीचे नेते एकनाथ खडसे यांना याविषयी विचारलं असता त्यांनी जे काही फोटो व्हिडीओ आहेत ते संजय राऊत यांनी समोर आणावेत असं त्यांनी म्हटलं आहे.