“ज्या माणसाने दारू पिऊन…” शरद पवारांशी संबंधित घटनेचा उल्लेख करत आव्हाडांची सदावर्तेंवर जोरदार टीका!

या घटनाक्रमानंतर राष्ट्रवादी काँग्रेसचे आमदार जितेंद्र आव्हाड यांनी प्रतिक्रिया दिली आहे. मुंबईला महाराष्ट्रापासून तोडण्याची भाषा करणं, हा संयुक्त महाराष्ट्रासाठी बलिदान देणाऱ्या १०५ हुतात्म्यांचा अपमान आहे. संयुक्त महाराष्ट्राच्या लढ्याचा देदीप्यमान इतिहास आहे. त्यामुळे मुंबईला महाराष्ट्रापासून वेगळं करणं इतकं सोपं नाही, अशी प्रतिक्रिया आव्हाडांनी दिली आहे. ते ‘टीव्ही ९ मराठी’शी बोलत होते.

आणखी वाचा

“काँग्रेसने जातीयवाद आणि सांप्रदायिकतेच विष कालवले,” नितीन गडकरी यांची यवतमाळात टीका

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पडसाद : हा तर बुद्धिभेद

नाव घेतले तर न्यायाल्यात खेचीन ‘ कोणी ‘ पाठविली शरद पवार यांना नोटीस !

लक्षवेधी लढत: परांडा : तानाजी सावंतांसमोर शरद पवार गटाचे आव्हान

पवार यांचा नागपूर दौरा, भाजपला इशारा अन् कॉंग्रेस नेत्यांशी खलबते

“संस्कार कमी पडले” नातवाने आजीला बॅटने मारलं; ‘ती’ फक्त रडत राहिली; काळीज पिळवटून टाकाणारा VIDEO पाहून डोळ्यांत येईल पाणी

“तोंड रक्ताने माखलेली एक…”, दिव्या भारतीच्या निधनाबद्दल बॉलीवूड अभिनेत्रीचा मोठा खुलासा; तिला पडताना ‘या’ व्यक्तीने पाहिल्याचा केला दावा

हेही वाचा- VIDEO: “स्वतंत्र मराठवाडाच नाही, तर मुंबईही केंद्रशासित प्रदेश करून दाखवू आणि…”, शरद पवारांचं नाव घेत सदावर्तेंचं मोठं वक्तव्य

यावेळी प्रतिक्रिया देताना आव्हाड म्हणाले की, गुणरत्न सदावर्तेंची मागणी म्हणजे संयुक्त महाराष्ट्रासाठी बलिदान देणाऱ्या हुतात्म्यांचा अपमान आहे. हा महाराष्ट्राचा अपमान आहे. मला अशा वायफळ बडबड करणाऱ्या व्यक्तीवर जास्त बोलायला आवडत नाही. ज्या माणसाने दारू पिऊन शरद पवारांच्या घरात घुसखोरी करण्यासाठी पोरं पाठवली. त्यांच्याबद्दल मी काय बोलू? तो माणूस माझ्या दृष्टीने बोलण्याच्याही उंचीचा नाहीये.

हेही वाचा – “त्यांना हे सांगावं लागतं, यातच सगळं आलं”, उदय सामंतांच्या ‘त्या’ विधानावर ठाकरे गटाकडून सूचक विधान!

आव्हाड पुढे म्हणाले की, मुंबई मराठी माणसाकडून खेचून घेणार आणि मुंबई महाराष्ट्रापासून वेगळी करणार, असं कुणी म्हणणं म्हणजे त्याच्या राजकीय आणि सामाजिक आयुष्यातून बाद होण्यासारखं आहे. मुंबई हा मराठी माणसाचा जीव की प्राण आहे. मुंबईसाठी अनेकांनी आपल्या जीवाचं बलिदान दिलं आहे. त्यामुळे मुंबई महाराष्ट्रापासून वेगळी करणं इतकं सोपं नाही. संयुक्त महाराष्ट्र कसा निर्माण झाला, याचा देदीप्यमान इतिहास आहे. तो इतिहास लोकं कसा विसरतील?

हेही वाचा- गुणरत्न सदावर्तेंच्या पत्रकार परिषदेत संभाजी ब्रिगेडचा राडा, घोषणाबाजी करत अंगावर शाईफेक

खरं तर, महाराष्ट्राला अस्थिर करण्याचं सध्या प्रयोजन आखलं गेलंय. गेल्या साडेचार महिन्यात जवळजवळ ३६ कंपन्या महाराष्ट्र सोडून बाहेर गेल्या, अशा प्रकारचं वृत्त काही वृत्तपत्रांनी दिलं आहे. त्यामुळे ही अस्थिरता महाराष्ट्राला खड्ड्यात घालणारी आहे, असंही आव्हाड म्हणाले.