“खेळ असो वा राजकारण, पात्रता…”, बोपण्णाला शुभेच्छा देताना आव्हाडांनी अजित पवार गटाला डिवचले

रोहन बोपण्णा ४३व्या वर्षी विजेता; ऑस्ट्रेलियन ओपन स्पर्धेत पुरुष दुहेरीत अजिंक्य

आणखी वाचा

Sharad Pawar : मनोज जरांगेंनी निवडणुकीतून माघार घेतल्यानंतर शरद पवारांची पहिली प्रतिक्रिया; म्हणाले “मला आनंद, कारण…”

IND vs NZ : ऋषभ पंतच्या वादग्रस्त विकेटवर…

Jayant Patil : ‘सिंचन घोटाळ्यावरून अजित पवारांना १० वर्षे ब्लॅकमेल केलं’; त्यांची भाजपाबरोबर जाण्याची इच्छा का होती? जयंत पाटलांचा मोठा दावा

सावंतवाडी विधानसभेचे प्रतिस्पर्धी दिपक केसरकर व राजन तेली श्री देव विठ्ठल मंदिरमध्ये एकत्र

दिवाळीनिमित्त बारामतीत पवार कुटुंब एकत्र दिसणार का? या प्रश्नावर अजित पवारांचे दोन शब्दांत उत्तर…

बंडखोर नाना काटेंची अजित पवारांनी घेतली भेट; महायुतीमधील बंडखोरी रोखण्याचे प्रयत्न सुरू

कोल्हापूर: राजू शेट्टी यांनी चळवळीचा बाजार मांडला, जिल्हाध्यक्ष वैभव कांबळे यांची टीका

माजी मुख्यमंत्र्यांचा नातू कारंजातून विधानसभेच्या मैदानात

रोहण बोपण्णाच्या वयाचा उल्लेख करून जितेंद्र आव्हाड यांनी शरद पवारांशी त्याचा संबंध जोडला आहे. शरद पवार हे ८३ व्या वर्षीही राजकारणात सक्रीय आहेत. त्यांच्या वयाचा दाखला देऊन उपमुख्यमंत्री अजित पवार बाजूला झाले आणि त्यांचा स्वतःचा गट स्थापन केला. काही नेते वयस्कर झाले तरी बाजूला होत नाहीत, तरूणांना संधी देत नाहीत, अशी टीका अजित पवार यांनी केली होती. ज्याला शरद पवार यांनी स्वतःदेखील उत्तर दिलेले आहे.

जितेंद्र आव्हाड काय म्हणाले?

“भारताचा टेनिसपटू रोहण बोपण्णा याने मॅथ्यू एब्डेनच्या साथीने ऑस्ट्रेलियन ओपन स्पर्धेत पुरुष दुहेरीचं जेतेपद पटकावल्याबद्दल मन:पूर्वक अभिनंदन! रोहन बोपण्णा हे विजेतेपद पटकावणारा सर्वाधिक वयाचा टेनिसपटू ठरला आहे. प्रतिभा आणि अनुभवाला वयाची मर्यादा नसते, हे त्याने आपल्या खेळातून दाखवून दिलंय. लक्षात असू द्या… खेळ असो वा राजकारण, वयाने फरक पडत नसतो. पात्रता महत्त्वाची असते”, अशी पोस्ट जितेंद्र आव्हाड यांनी आपल्या एक्स अकाऊंटवर टाकली आहे.

रोहण बोपण्णाला हटके शुभेच्छा देताना जितेंद्र आव्हाड यांनी एकप्रकारे अजित पवार गटावर निशाणा साधला. “खेळ असो वा राजकारण, वयाने फरक पडत नसतो. पात्रता महत्त्वाची असते”, हा उल्लेख करून त्यांनी अजित पवार गटाला डिवचण्याचा प्रयत्न केला.

सर्वाधिक वयाचा टेनिसपटू

४३ व्या वर्षी जागतिक क्रमवारीत अव्वल स्थानी झेप घेणारा रोहन हा सर्वाधिक वयाचा टेनिसपटू ठरला. याआधी हा विक्रम अमेरिकेच्या राजीव रामच्या नावावर होता. राजीवने ऑक्टोबर २०२२ रोजी ३८व्या वर्षी दुहेरीच्या जागतिक क्रमवारीत अव्वल स्थान पटकावलं होतं. दुहेरीच्या जागतिक क्रमवारीत अव्वल स्थान पटकावणारा रोहन हा केवळ चौथा भारतीय टेनिसपटू ठरणार आहे. याआधी लिअँडर पेस, महेश भूपती आणि सानिया मिर्झा यांनीच ही किमया केली आहे.