सुप्रिया सुळेंचं ‘ते’ विधान अजित पवारांसाठी नव्हतं? स्वत:च स्पष्टीकरण देत म्हणाल्या…

नेमकं काय घडलं होतं?

लोकसभेत महिला आरक्षणावर चर्चा चालू असताना सुप्रिया सुळेंनी अमित शाह यांच्या एका टिप्पणीवर विधान केलं होतं. “भाजपाकडून सर्व पुरुषांना बोलायची संधी दिली जात आहे” असं अधीर रंजन चौधरी म्हणाले. त्यावर अमित शाह यांनी “महिलांच्या मुद्द्यावर फक्त महिलांनीच बोलावं का? पुरुष बोलू शकत नाहीत का? भावांनी बहिणींच्या हिताचा विचार करणं ही देशाची परंपरा आहे”, असं अमित शाह म्हणाले. त्यावर “बहिणीच्या कल्याणाचा विचार करणारे भाऊ प्रत्येक घरात नसतात”, असं सुप्रिया सुळे म्हणाल्या.

आणखी वाचा

Video: ‘मी तुम्हाला मत दिलंय, आता तुम्ही…’, लग्न खोळंबलेल्या तरुणानं भाजपा आमदाराकडं केली अजब मागणी, व्हिडीओ व्हायरल

१७ ऑक्टोबर पंचांग: धनसंपत्ती की प्रचंड यश, गुरुवारी…

विश्लेषण : गांजाची नेमकी व्याख्या काय? ती स्पष्ट करण्यासाठी उच्च न्यायालयास हस्तक्षेप का करावा लागला?

Menopause बाबत ‘या’ चांगल्या गोष्टी तुम्हाला माहिती आहेत का? तज्ज्ञांनी केला खुलासा

प्रवीण तोगडिया म्हणतात, ‘संघासोबत काही मुद्यावर मतभेद मात्र…’

विश्लेषण : चिठ्ठीतील ‘नशीबवानां’कडे लक्ष; भाजपची उमेदवार निवडीची पद्धत राज्यात किती फायदेशीर? ती वादग्रस्त का ठरतेय?

Tirupati Laddu Row : “…तर दूरगामी परिणाम होतील”, लाडूप्रकरणावरून जगनमोहन रेड्डींनी पंतप्रधानांना पत्र लिहित व्यक्त केली भीती

सुप्रिया सुळेंचा अजित पवारांना टोला… म्हणाल्या, “पिंपरी- चिंचवडचा कारभारी वेगळा होता म्हणून…”

सुप्रिया सुळेंनी हे विधान अजित पवारांनाच उद्देशून म्हटल्यायची चर्चा सध्या रंगताना दिसत आहे. त्यावर पुण्यात माध्यमांशी बोलताना सुप्रिया सुळेंनी स्पष्टीकरण दिलं.

“बहिणीचं कल्याण व्हावं, असं वाटणारा भाऊ प्रत्येकाच्या नशिबात नसतो”, सुप्रिया सुळेंचं संसदेत विधान

“अमित शाह म्हणाले की एका पुरुषानं जर महिला आरक्षणाचं विधेयक आणलं, तर काय हरकत आहे. जर एखादा भाऊ असं वागत असेल तर काय चूक आहे. मी त्यांना एवढंच म्हटलं की काश्मीर ते कन्याकुमारी सगळेच भाऊ प्रत्येक बहिणीचं हित बघतातच असं नाही. मी तुम्हाला अशी असंख्य उदाहरणं सांगू शकते. त्यामुळे माझं विधान फक्त अमित शाह यांच्या वक्तव्यांबाबत होतं”, असं सुप्रिया सुळे यावेळी म्हणाल्या.

रमेश बिधुरींच्या वक्तव्याचा समाचार

दरम्यान, भाजपा खासदार रमेश बिधुरी यांनी लोकसभेत सपा खासदार दानिश अली यांच्यावर “दहशतवादी, बाहेर फेका याला” अशी टिप्पणी केली होती. त्यावरूनही सुप्रिया सुळेंनी भाजपाला टोला लगावला. “सरकार दरबारी भाजपाचे खासदार ज्या पद्धतीने शब्द वापरतात, हे दुर्दैवी आहे. त्या खासदारांच्या विरोधात मी लोकसभा अध्यक्षांना पत्र पाठवलं आहे.चांगल्या पद्धतीने कामकाज चाललं. पण त्यात मिठाचा खडा टाकण्याचं काम भाजपाच्या असंस्कृत खासदारानं केलं आहे. त्यांनी याआधीही अनेकदा अशा गोष्टी केल्या आहेत. काल कनिमोळी भाषण करायला उभ्या राहताच त्याच खासदारांनी त्यांच्यावर आरडाओरड करायला सुरुवात केली. भाजपाच्या खासदारांची ही प्रवृत्ती आहे. त्याला भाजपा खतपाणी घालतेय. भाजपाचा दुतोंडी चेहरा इथे दिसतोय”, असं सुप्रिया सुळे म्हणाल्या.