राष्ट्रवादी काँग्रेसच्या खासदार सुप्रिया सुळे आज राजमाता जिजाऊ जन्मोत्सवासाठी बुलढाणा जिल्ह्यातील सिंदखेडराजा येथे गेल्या होत्या. यावेळी त्यांनी प्रसारमाधम्यांच्या प्रश्नांना उत्तर देताना, शिंदे-फडणवीस सरकारवर टीका केली.
“मंत्रीमंडळ आहे कशासाठी? दोनच लोक सगळे निर्णय घेणार असतील तर मंत्र्यांनी आणि अधिकाऱ्यांनी करायचं तरी काय? सगळ्यात मोठी अडचण आहे की आज सर्वसामान्य मायबाप जनतेने न्याय मागायला कोणाकडे जायचं?, त्यांना जर अडचण आली तर त्यांनी कुणाकडे जायचं? जिल्हापरिषदेची निवडणूक झाली नाही आणि महानगरपालिकांचेही निवडणूक झाली नाही. ईडी सरकार येऊन सहा महिने झाले आहेत, मग हे निवडणुका का घेत नाहीत? त्यांना कशाची भीती आहे निवडणूक घ्यायला?” असं सुप्रिया सुळे म्हणाल्या.
याचबरोबर, “भारतीय जनता पार्टीमध्ये नक्कीच खूप कर्तृत्वान महिला आहेत आमदार म्हणून किंवा आमदार नसल्या तरी संघटनेत तरी आहेतच ना? मात्र यांना(भाजपाला) महिलांबद्दल मनात आदर नाही किंवा प्रेम, आस्था नाही, हे त्यांच्या कृतीमधून दिसतं आहे.” अशी टीकाही त्यांनी भाजपावर केली.
याशिवाय, “ईडी सरकार म्हणजे टेलिव्हिजनवर येणे, धमक्या देणे. मी बच्चू कडू यांचे आभार मानते. कारण, त्यांनीही एक विधान केलं होतं, की आज हे सरकारमधील आमदार कुठेही गेले तरी लोक त्यांना म्हणतात की ५० खोक्यांचा आमदार आला. हे मी म्हटलेलं नाही, हे मी वृत्तवाहिन्यांवरच पाहिलेलं आहे. मी खोटं बोलत नाही आणि कोणावरही खोटे आरोप करत नाही. हे ५० खोक्यांचं सरकार आहे असं वृत्तवाहिनीवर मी ऐकलेलं आहे. ५० खोक्यांचे आमदार किंवा ५० खोक्यांचं सरकार असं जेव्हा म्हटलं जातं, हा अपमान केवळ त्यांचा नाहीतर संपूर्ण महाराष्ट्राचा आहे. देशातल्या सगळ्यांना असं वाटतं की महाराष्ट्रातील आमदार ५० खोके घेतले की बिकाऊ आहेत. हे दुर्दैवं आहे. यामध्ये महाराष्ट्राचा स्वाभिमान आणि आपली बदनामी होते.” असंही खासदार सुप्रिया सुळे यांनी यावेळी म्हटलं.
“मंत्रीमंडळ आहे कशासाठी? दोनच लोक सगळे निर्णय घेणार असतील तर मंत्र्यांनी आणि अधिकाऱ्यांनी करायचं तरी काय? सगळ्यात मोठी अडचण आहे की आज सर्वसामान्य मायबाप जनतेने न्याय मागायला कोणाकडे जायचं?, त्यांना जर अडचण आली तर त्यांनी कुणाकडे जायचं? जिल्हापरिषदेची निवडणूक झाली नाही आणि महानगरपालिकांचेही निवडणूक झाली नाही. ईडी सरकार येऊन सहा महिने झाले आहेत, मग हे निवडणुका का घेत नाहीत? त्यांना कशाची भीती आहे निवडणूक घ्यायला?” असं सुप्रिया सुळे म्हणाल्या.
याचबरोबर, “भारतीय जनता पार्टीमध्ये नक्कीच खूप कर्तृत्वान महिला आहेत आमदार म्हणून किंवा आमदार नसल्या तरी संघटनेत तरी आहेतच ना? मात्र यांना(भाजपाला) महिलांबद्दल मनात आदर नाही किंवा प्रेम, आस्था नाही, हे त्यांच्या कृतीमधून दिसतं आहे.” अशी टीकाही त्यांनी भाजपावर केली.
याशिवाय, “ईडी सरकार म्हणजे टेलिव्हिजनवर येणे, धमक्या देणे. मी बच्चू कडू यांचे आभार मानते. कारण, त्यांनीही एक विधान केलं होतं, की आज हे सरकारमधील आमदार कुठेही गेले तरी लोक त्यांना म्हणतात की ५० खोक्यांचा आमदार आला. हे मी म्हटलेलं नाही, हे मी वृत्तवाहिन्यांवरच पाहिलेलं आहे. मी खोटं बोलत नाही आणि कोणावरही खोटे आरोप करत नाही. हे ५० खोक्यांचं सरकार आहे असं वृत्तवाहिनीवर मी ऐकलेलं आहे. ५० खोक्यांचे आमदार किंवा ५० खोक्यांचं सरकार असं जेव्हा म्हटलं जातं, हा अपमान केवळ त्यांचा नाहीतर संपूर्ण महाराष्ट्राचा आहे. देशातल्या सगळ्यांना असं वाटतं की महाराष्ट्रातील आमदार ५० खोके घेतले की बिकाऊ आहेत. हे दुर्दैवं आहे. यामध्ये महाराष्ट्राचा स्वाभिमान आणि आपली बदनामी होते.” असंही खासदार सुप्रिया सुळे यांनी यावेळी म्हटलं.
