गेल्या काही महिन्यांपासून राज ठाकरे आणि मुख्यमंत्री एकनाथ शिंदे यांच्या अनेकदा भेटीगाठी झाल्याचं पाहायला मिळालं आहे. उपमुख्यमंत्री देवेंद्र फडणवीसही दोन वेळा राज ठाकरे यांना भेटले. यावरून वेगवेगळ्या राजकीय चर्चा सुरू असतानाच सोमवारी रात्री पुन्हा एकदा देवेंद्र फडणवीस राज ठाकरे यांचं मुंबईतील निवासस्थान शिवतीर्थ येथे गेले होते. दोघांमध्ये प्रदीर्घ चर्चा झाली. या भेटीनंतर राजकीय वर्तुळातील अनेकांच्या भुवया उंचावल्या आहेत. यामुळे विविध राजकीय चर्चादेखील सुरू झाल्या आहेत. एकीकडे भारतीय जनता पार्टी उद्धव ठाकरेंच्या जागी पर्याय शोधत असल्याचं बोललं जात आहे. अनेक राजकीय विश्लेषकांना वाटतं की, राज्याच्या राजकारणात भाजपासाठी राज ठाकरे हे उद्धव ठाकरेंची जागा भरून काढू शकतात. अशातच एकनाथ शिंदे, देवेंद्र फडणवीस आणि राज ठाकरे यांच्या वाढलेल्या गाठीभेटींमुळे लोकांच्या भुवया उंचावल्या आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
