‘सगळ्यांचा करेक्ट कार्यक्रम करू’, इंदापूरच्या सभेत रोहित पवारांचे सूचक विधान; कुणाला दिलं आव्हान?

अतुल भातखळकरांना ईडीचा फोन आला असावा

दिल्लीचे अरविंद केजरीवाल यांना अटक केल्यानंतर आता उद्धव ठाकरे यांचा नंबर लागणार असे ट्विट अतुल भातखळकर यांनी केले आहे. यावर बोलताना रोहित पवार म्हणाले की, त्यांना कुणाचा फोन आला असावा किंवा त्यांना कुणी सांगितलं असावं, याची मला माहिती नाही. मात्र ज्या लोकांना भाजपा घाबरते, त्यांना अडचणीत आणण्याचे प्रयत्न केले जात आहेत. याआधी शरद पवारांनाही ईडीने नोटीस दिली होती, त्यानंतर काय झालं, हे पूर्ण महाराष्ट्राने पाहिलं. संजय राऊत यांनाही काही दिवस अटकेत ठेवले होते. पण आताही ते भाजपाविरोधात लढत आहेत. भातखळकरांच्या ट्विटवरून कारवाई झाली, तरी लोक भाजपाला पाठिंबा देणार नाहीत.

आणखी वाचा

पवार ते पवार असा आमदार हिरामण खोसकर यांचा राजकीय प्रवास

“लग्नाची बातमी सर्वात आधी राज ठाकरेंना…”, प्रेमाची जाहीर…

“आता देवेंद्र फडणवीसांचा सुपडा साफ केल्याशिवाय शांत बसणार नाही”, आचारसंहिता जाहीर होताच मनोज जरांगेंचा थेट इशारा; म्हणाले…

“लॉरेन्स बिश्नोई गँगने माझ्या बाबांनाही…”; बाबा सिद्दीकींच्या हत्येनंतर जितेंद्र आव्हाडांच्या मुलीची पोस्ट चर्चेत!

बावनकुळे म्हणाले, उमेदवारांचा निर्णय जातीच्या आधारावर….

शरद पवार यांच्यापुढे जाण्याइतकी प्रगल्भता माझ्यात नाही; नरहरी झिरवळ

Rohit Pawar : “गृहमंत्री धृतराष्ट्राप्रमाणे सत्तेच्या मोहात आंधळे होऊन…”; पुण्यातील महिला अत्याचाराच्या घटनांवरून रोहित पवारांचे देवेंद्र फडणवीसांवर टीकास्र!

अजित पवारांच्या पक्षाला अपेक्षित यश मिळविण्यात अडचणी- ज्योतिषांची भविष्यवाणी

मुंबईतील ‘या’ प्रसिद्ध महाविद्यालयात पियुष गोयल यांच्या मुलाच्या कार्यक्रमासाठी विद्यार्थ्यांवर जबरदस्ती, ओळखपत्र जप्त करून…

रोहित पवार पुढे म्हणाले की, भाजपा कुणावर कारवाई करेल, याबाबत काहीही सांगता येत नाही. कर्नाटक मधील दोन शेतकरी ज्यांना घर नाही, अशा शेतकऱ्यांवरही कारवाई झाली आहे. पण पवार कुटुंबामध्ये विचारांना किंमत आहे. त्यामुळेच मी आणि युगेंद्रने आजोबांची साथ देण्याचा निर्णय घेतला.

टप्प्याटप्प्याने सर्वांचा करेक्ट कार्यक्रम करू

इंदापूर येथील शेतकरी मेळाव्यात अजित पवार गटाचे आमदार दत्तात्रय भरणे यांच्यावर टीका करण्यात आली. मात्र हर्षवर्धन पाटील यांच्याबाबत कोणतेही भाष्य करण्यात आले नाही, यावर बोलताना रोहित पवार म्हणाले की, एकाच भाषणात सर्व बोललं तर पुढच्या भाषणात बोलायला काही उरणार नाही. पुढच्या भाषणासाठी काही गोष्टी राखून ठेवल्या आहेत. टप्प्याटप्प्याने सगळ्यांचा करेक्ट कार्यक्रम करू, अशी सूचक प्रतिक्रिया रोहित पवार यांनी दिली.

मनोज जरांगे पाटील यांना तडीपार करणार का? गृहमंत्री देवेंद्र फडणवीस म्हणाले…

विजय शिवतारे लवकरच भाजपामध्ये प्रवेश करणार

विजय शिवतारे यांनी बारामती लोकसभा मतदारसंघात शड्डू ठोकला असून मुख्यमंत्री एकनाथ शिंदे यांनाही प्रसंगी विरोध करू पण लोकसभा लढवूच, असा आक्रमक पवित्रा विजय शिवतारे यांनी घेतला आहे. यावर रोहित पवार यांनी भाजपाकडे अंगुलीनिर्देश केला. विजय शिवतारे सत्तेतल्या पक्षाचे नेते आहेत. मुख्यमंत्र्यांचेही जर ते ऐकत नसतील तर भाजपाच्या चाणक्याचे ते ऐकणार का? असा प्रश्न रोहित पवार यांनी उपस्थित केला. तसेच विजय शिवतारे ‘नमो विचारमंच’ या नावाखाली निवडणूक लढवित असल्यामुळे ते लवकरच भाजपामध्ये प्रवेश करणार असल्याचा दावा रोहित पवार यांनी केला.