Amol Kolhe : “शरद पवारांचं बोट सोडलं तर नेता…”, अमोल कोल्हेंचा अजित पवारांना इशारा

आता राष्ट्रवादी काँग्रेस शरद पवार गटाची शिवस्वराज्य यात्रा सध्या सुरु आहे. या कार्यक्रमात बोलताना खासदार अमोल कोल्हे यांनी अजित पवार गटावर हल्लाबोल करत सूचक इशाराही दिला आहे. “झाडानं मूळं सोडली तर झाड पडतं आणि नेत्यांनी शरद पवारांचं बोट सोडलं तर नेता पडतो”, असं अमोल कोल्हे यांनी म्हटलं. त्यांच्या या विधानाचा रोख हा अजित पवार गटाकडे होता.

आणखी वाचा

“तो कारमध्ये एक हॉकी स्टिक…”, रोहित शेट्टीने अजय देवगणबाबत केला खुलासा; अभिनेता म्हणाला, “आता मी…”

१६ नोव्हेंबर पंचांग: कृतिका नक्षत्रात मेषला शुभ दिवस,…

योगी आदित्यनाथांमुळे अजित पवारांची गोची; मोदी-शाहांची एकही सभा नाही; अस्तित्वाची लढाई राष्ट्रवादी कशी लढणार?

Narendra Modi : नरेंद्र मोदींचं मविआ नेत्यांना आव्हान; बाळासाहेब ठाकरेंचा उल्लेख करत म्हणाले, “राहुल गांधींकडून…”

Sharad Pawar : “सत्ता फार लवकर डोक्यात गेली”, शरद पवारांचा धनंजय मुंडेंना टोला; म्हणाले, “अडचणींच्या काळात…”

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

Ajit Pawar : “…मग मी बघतो, तुम्ही आमदार कसे राहता”, अजित पवारांचा रामराजे निंबाळकरांना इशारा; म्हणाले, “धमक असेल तर…”

हेही वाचा : Ajit Pawar : अजित पवारांनी आधी हात जोडले, मग डोक्यावर हात ठेवत लाडक्या बहिणीला म्हणाले, “व्वा गं माझी मैना”

अमोल कोल्हे काय म्हणाले?

“झाड कितीही डेरेदार असलं तरी झाडाने जर मूळं सोडली तर झाड पडतं आणि नेत्यांनी शरद पवारांचं बोट सोडलं तर नेता निवडणुकीत पडतो. काही जणांनी स्वार्थासाठी वेगळा निर्णय घेतला. आता काल-परवा राज्याचे उपमुख्यमंत्री अजित पवार यांचं एक विधान समोर आलं. ते म्हणाले की, सात-आठ निवडणुका झाल्या आहेत, आता रस राहिला नाही. मात्र, आपण एक वस्ताद पाहिला आहे की १४ निवडणुका झाल्या, तरीही ते म्हणतात महाराष्ट्राच्या हितासाठी मैदान सोडणार नाही. त्या वस्तादाचं नाव शरद पवार आहे. आता कोणी म्हणत असेल की सात निवडणुका झाल्या आहेत रस नाही. ज्यांनी स्वार्थासाठी उडी मारली, त्यांच्यातील नेत्यांनाही प्रश्न पडला असेल सेनापतीच गळपटला तर सैन्यांनी कोणाच्या भरोवशावर लढायचं?”, असा हल्लाबोल खासदार अमोल कोल्हे यांनी अजित पवार गटावर केला.

“आता काळजी करू नका. आगामी काळात महाविकास आघाडीचं सरकार असणार आहे. येणाऱ्या निवडणुकीनंतर वसमतचा आमदारही हा सत्तेतला आमदार असणार आहे. वसमत शहराला जो अवैध धद्यांचा विळखा पडला आहे, ते सोडवण्याचं कामही आपण करणार आहोत. आता जाता-जाता एवढंच सांगतो बस्स झाली टक्केवारी आणि वाजवा तुतारी अन् गाडा गद्दारी”, असं म्हणत खासदार अमोल कोल्हे यांनी अजित पवार गटावर टीका केली.