“काय अजित पवार साहेब कसं वाटलं जबरदस्ती आरती करताना?”; निलेश राणेंचा खोचक टोला

यावेळी उपमुख्यमंत्री अजित पवार, प्रदेशाध्यक्ष जयंत पाटील, खासदार सुप्रिया सुळे, शहराध्यक्ष प्रशांत जगताप उपस्थित होते. यावेळी प्रशांत जगताप यांनी हनुमान चालीसा म्हणली, तर मुस्लिम बांधवांनी नमाज पठण केले. यावेळी हनुमान जयंती निमित्त मंदिरामध्ये अजित पवार यांनी आरती केली. यावरुन आता माजी खासदार निलेश राणे यांनी अजित पवार यांच्यावर निशाणा साधला आहे.

आणखी वाचा

Supriya Sule : “मी बोलते, पण अजित पवार माझ्याशी…”, पवार कुटुंबीयांतील दुराव्याबाबत सुप्रिया सुळेंचे मोठे विधान

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Manikrao Kokate : “अजित पवारांना जे कळतं ते कोणालाही…”, माणिकराव कोकाटेंचं कृषी मंत्रि‍पदाबाबत मोठं भाष्य; म्हणाले, “मला अपेक्षा…”

Abdul Sattar : अब्दुल सत्तार यांची मोठी घोषणा; “निवडणुकीत जात आणि धर्म आणला जातो, त्यामुळे यापुढे….”

Manikrao Kokate : पालकमंत्री पदाचा तिढा कधी सुटणार? अजित पवार गटाच्या नेत्याचं मोठं विधान; म्हणाले, “आता निर्णय…”

Sharad Pawar : बीडप्रकरणी शरद पवारांचा मुख्यमंत्री देवेंद्र फडणवीसांना फोन; म्हणाले, “राजकारणात मतभेद असतील-नसतील, पण…”

“…म्हणून आदित्य ठाकरे देवेंद्र फडणवीसांना भेटले”, रामदास कदमांचा टोला; म्हणाले, “आता देवा भाऊचा जप…”

“मी जबाबदारी घेतो, हवं तर लिहून देतो, पण…”, पंतप्रधान मोदींचं गोध्रा जळीतकांडावर भाष्य

निलेश राणे यांनी ट्विट करत अजित पवार यांना टोला लगावला आहे. “आज कधी नव्हे ते अजित पवारांना हनुमान जयंतीच्या निमित्ताने आरती करताना बघितलं, काय अजित पवार साहेब कसं वाटलं जबरदस्ती आरती करताना?? हनुमान जयंतीनिमित्त वातावरण ढवळून निघाल्याने ज्यांना मंदिरात जायची एलर्जी होती ते सुद्धा भगवे पट्टे घालून मंदिरात धडपडत होते,” असे निलेश राणेंनी म्हटले आहे.

यावेळी बोलताना अजित पवार यांनी स्वधर्माचा अभिमान बाळगताना अन्य धर्मियांच्या परंपरांचा आदर करण्याची पूर्वजांची शिकवण आहे असे म्हटले. “देशाची ताकद आपल्या राजकीय, सामाजिक, सांस्कृतिक, अध्यात्मिक विविधतेत आहे. सर्वधर्मियांनी एकत्रित येऊन सण-उत्सव साजरे करणं ही आपली परंपरा, संस्कृती आहे. स्वधर्माचा अभिमान बाळगताना अन्य धर्मियांच्या परंपरांचा आदर करण्याची पूर्वजांची शिकवण आहे. या शिकवणीचं पालन हनुमान जयंतीनिमित्त पुण्यात कर्वेनगर इथल्या हनुमान मंदिरात मुस्लिम बांधवांच्या हस्ते श्रीहनुमानजींची आरती करून करण्यात आलं. राष्ट्रवादी पुणे शहराध्यक्ष प्रशांत जगताप यांनी हनुमान चालीसाचं पठण करून हनुमान जयंती साजरी केली. सोहेल शेख यांनी रमझानचं दुवा पठण केलं,” असे अजित पवार म्हणाले.

“हनुमान मंदिराच्या प्रांगणात हिन्दू-मुस्लिम बांधवांनी रोजा-इफ्तारचा सहआनंद घेऊन सर्वधर्मसमभावाचं, एकता-बंधुतेचं अनोखं दर्शन घडवलं. सर्वधर्मीयांना सोबत घेऊन महाराष्ट्राला विकासाच्या वाटेवर अग्रेसर ठेवण्याचं कार्य राष्ट्रवादी काँग्रेसचा प्रत्येक कार्यकर्ता यापुढेही करत राहील,” असेही अजित पवार म्हणाले