Cabinet Portfolio महाराष्ट्र सरकारचा मंत्रिमंडळाचा विस्तार १५ डिसेंबरला पार पडला. त्यानंतर आज म्हणजे सहा दिवसांनी खातेवाटप जाहीर झालं आहे. अर्थ खातं अजित पवारांना तर गृह खातं देवेंद्र फडणवीसांना हे विभाग सारखेच राहिले आहेत. तर उपमुख्यमंत्री एकनाथ शिंदे यांच्याकडे नगरविकास खातं देण्यात आलं आहे. महाराष्ट्रात चर्चेत असलेल्या महायुतीच्या पाच नेत्यांकडे कुठली खाती आहेत आपण जाणून घेऊ.
महाराष्ट्रातले चर्चेतले महायुतीचे पाच मंत्री कोण?
शिवसेनेचे भरत गोगावले, संजय शिरसाट, संजय राठोड भाजपाचे नितेश राणे आणि राष्ट्रवादी काँग्रेसचे नरहरी झिरवाळ यांना कुठली खाती मिळणार? याकडे सगळ्यांचं लक्ष होतं. त्यानुसार या पाच जणांना कुठली खाती मिळाली आपण जाणून घेऊ.
हिवाळी अधिवेशनाच्या आधी मंत्रिमंडळाचा विस्तार करण्यात आला होता. त्यानंतर हिवाळी अधिवेशन सुरु असताना खाते वाटप होईल असं वाटतं होतं. मात्र, आठवडा झाला तरी खातेवाटप होत नव्हतं. मात्र, आज अखेर खातेवाटप जाहीर करण्यात आलं आहे. खरं तर महायुतीत गृहखात्यासाठी शिवसेना (शिंदे) आग्रही असल्याचं बोललं जात होतं. मात्र, गृहखातं सोडण्यास भाजपाने नकार दिला होता. अखेर गृहखातं आता मुख्यमंत्री देवेंद्र फडणवीस यांच्याकडे ठेवण्यात आलं आहे.
चर्चेतील पाच मंत्र्यांकडे कुठली खाती?
भरत गोगावले – रोजगार हमी,फलोत्पादन
संजय शिरासाट – सामाजिक न्याय
संजय राठोड – मृदू व जलसंधारण
नितेश राणे – मत्स्य आणि बंदरे
नरहरी झिरवाळ – अन्न आणि औषध प्रशासन
महाराष्ट्र सरकारमधील मंत्र्यांची संपूर्ण यादी, वाचा!
| क्रमांक | मंत्र्यांचं नाव | खातं |
| १ | देवेंद्र फडणवीस | गृहखातं |
| २ | एकनाथ शिंदे | नगरविकास आणि गृहनिर्माण |
| ३ | अजित पवार | अर्थ आणि राज्य उत्पादन शुल्क |
| ४ | चंद्रशेखर बावनकुळे | महसूल |
| ५ | राधाकृष्ण विखे पाटील | जलसंधारण |
| ६ | हसन मुश्रीफ | वैद्यकीय शिक्षण |
| ७ | चंद्रकांत पाटील | उच्च तंत्र शिक्षण |
| ८ | गिरीश महाजन | जलसंपदा |
| ९ | गुलाबराव पाटील | पाणीपुरवठा |
| १० | धनंजय मुंडे | अन्न व नागरी पुरवठा |
| ११ | दादाजी भुसे | शालेय शिक्षण |
| १२ | गणेश नाईक | वनखातं |
| १३ | संजय राठोड | माती व पाणी परीक्षण खात |
| १४ | मंगलप्रभात लोढा | कौशल्य विकास |
| १५ | उदय सामंत | उद्योग व मराठी भाषा |
| १६ | जयकुमार रावल | विपणन |
| १७ | पंकजा मुंडे | पशुसंवर्धन आणि पर्यावरण |
| १८ | अतुल सावे | ओबीसी विकास, दुग्धविकास |
| १९ | अशोक उईके | आदिवासी विकास |
| २० | शंभूराज देसाई | पर्यटन व खाण स्वातंत्र्य सैनिक कल्याण मंत्रालय |
| २१ | आशिष शेलार | माहिती व तंत्रज्ञान |
| २२ | दत्तात्रय भरणे | क्रीडा व अल्पसंख्याक विकास |
| २३ | अदिती तटकरे | महिला व बालविकास |
| २४ | शिवेंद्रराजे भोसले | सार्वजनिक बांधकाम |
| २५ | माणिकराव कोकाटे | कृषी |
| २६ | नरहरी झिरवाळ | अन्न व औषध प्रशासन |
| २७ | जयकुमार गोरे | ग्रामविकास आणि पंचायत राज |
| २८ | संजय शिरसाट | सामाजिक न्याय |
| २९ | भरत गोगावले | रोजगार हमी व फलोत्पादन |
| ३० | नितेश राणे | मत्स्य आणि बंदरे |
| ३१ | प्रताप सरनाईक | परिवहन |
| ३२ | बाबासाहेब पाटील | सहकार |
| ३३ | मकरंद पाटील | मदत व पुनर्वसन |
| ३४ | प्रकाश आबिटकर | सार्वजनिक आरोग्य कुटुंब कल्याण</td> |
| ३५ | संजय सावकारे | वस्त्रोद्योग |
| ३६ | आकाश फुंडकर | कामगार |
| क्रं. | राज्यमंत्री | राज्यमंत्री |
| १ | माधुरी मिसाळ | सामाजिक न्याय,अल्पसंख्याक विकास वैद्यकीय शिक्षण |
| २ | आशिष जयस्वाल | अर्थ आणि नियोजन आणि विधी व न्याय |
| ३ | इंद्रनील नाईक | उच्च आणि तंत्र शिक्षण आणि आदिवासी विकास |
| ४ | मेघना बोर्डीकर | सार्वजनिक आरोग्य, कुटुंब कल्याण |
| ५ | योगेश कदम | गृहराज्य शहर |
| ६ | पंकज भोयर | गृह निर्माण |
