"तू चुकीच्या पक्षात आहेस, काँग्रेसमध्ये ये", मित्राच्या ऑफरनंतर नितीन गडकरी म्हणाले होते... | Nitin Gadkari tell incident when His friend offer him to join congress in Nagpur

नितीन गडकरी यांनी नागपूरमध्ये उद्योजकांच्या एका संमेलनात मित्राने काँग्रेस प्रवेशाची ऑफर दिल्याचा किस्सा सांगितला.

नितीन गडकरी

केंद्रीय मंत्री नितीन गडकरी यांना भाजपाच्या संसदीय मंडळास स्थान न मिळाल्यानंतर त्यांच्या नाराजीबाबत अनेक तर्कवितर्क लावले जात आहेत. या पार्श्वभूमीवर नितीन गडकरी यांनी नागपूरमध्ये उद्योजकांच्या एका संमेलनात मित्राने काँग्रेस प्रवेशाची ऑफर दिल्याचा किस्सा सांगितला. तसेच या मित्राला मी एकवेळ विहिरीत उडी मारून जीव देईन, मात्र काँग्रेसमध्ये येणार नाही, असं सांगितल्याचं गडकरींनी नमूद केलं.

नितीन गडकरी म्हणाले, “मी नागपूरमध्ये विद्यार्थी नेता होतो. डॉ. श्रीकांत झिजकार माझे मित्र होते. ते खूप हुशार होते. एकदा त्यांनी मला म्हटलं, नितीन तू खूप चांगला व्यक्ती आहेस. तुला खूप चांगलं राजकीय भविष्य आहे. मात्र, तू चुकीच्या पक्षात आहेस. तू काँग्रेसमध्ये ये.”

आणखी वाचा

Success Story : आठ लाखांच्या बचतीतून सुरू केला व्यवसाय अन् उभी केली करोडोंची कंपनी

Daily Horoscope 18 November 2024 in Marathi

१८ नोव्हेंबर पंचांग: संकष्टी चतुर्थी १२ पैकी कोणत्या…

David Shaw has used concept of quant when managing assets of his investors

बाजारातली माणसं : हेज फंड बाजारातली एक रहस्यकथा – डेव्हीड शॉ

congress leader rahul gandhi made serious allegations on pm modi in jharkhand

पंतप्रधान बड्या उद्योजकांचे हित जोपासतात; राहुल गांधी यांचा आरोप

Pramod Sawant: महायुती की महाविकास आघाडीच्या काळात उद्योग महाराष्ट्राबाहेर? मुख्यमंत्र्यांचे मोठे विधान

Success story of Richa Kar the owner of Zivame company her family was ashamed from her business where she earned crores

ज्या व्यवसायाची जन्मदात्या आईला वाटायची लाज त्यातूनच कमावले कोटी, वाचा टीका झुगारून यश मिळविणाऱ्या उद्योजिकेचा प्रेरणादायी प्रवास

फेनाम स्टोरी: टेलिंग हर ‘फॉक्स’टेल

article on Trade industry industry group Check for changing rules Bank loans

लेख: भयमुक्त व्यापारउद्याोग करण्याची संधी…

“मित्राच्या काँग्रेस प्रवेशाच्या ऑफरवर मी तेव्हा त्याला सांगितलं की श्रीकांत मी विहिरीत उडी मारून जीव देईन, मात्र काँग्रेसमध्ये येणार नाही. कारण मला काँग्रेसची विचारधारा आवडत नाही,” असंही नितीन गडकरींनी नमूद केलं.

“आता गडकरींच्या मागेही कुणीतरी लागल्याचं दिसतंय”

दरम्यान, या देशात नितीन गडकरी यांनी केलेलं काम सोडलं, तर मोदी सरकारचं कुठलंही काम पैलतिरापर्यंत पोहोचलं नाही, अशी टीका राष्ट्रवादी काँग्रेसचे नेते जयंत पाटील यांनी बुलडाण्यातील एका कार्यक्रमादरम्यान केली होती. “आता गडकरींच्या मागेही कुणीतरी लागल्याचं दिसतंय” असं म्हणत पाटील यांनी पंतप्रधान नरेंद्र मोदी आणि गृहमंत्री अमित शाहांवर अप्रत्यक्ष निशाणा साधला होता.

हेही वाचा : “गरज संपल्यानंतर कोणालाही फेकून देऊ नका” नितीन गडकरींच्या वक्तव्याने चर्चांना उधाण

काही दिवसांपूर्वी केंद्रीय निवडणूक समिती आणि भाजपाच्या संसदीय मंडळातून नितीन गडकरी यांना वगळण्यात आले होते. त्यानंतर भाजपामध्ये गडकरींचे पंख छाटण्याचा प्रयत्न केला जात असल्याची चर्चा राजकीय वर्तुळात रंगली होती. दरम्यान, बुलडाण्यातील कार्यक्रमात बोलताना जयंत पाटील यांनी विविध समस्यांबाबत मोदी सरकारवर हल्लाबोल केला होता. मोदी सरकार सत्तेत येण्यापूर्वी जीवनावश्यक वस्तूंवर कर नव्हता, पेट्रोल-डिझेलने उच्चांक गाठला नव्हता, असे पाटील यावेळी म्हणाले होते. एकेकाळी ४०० रुपयांना मिळणारं सिलेंडर १२०० रुपयांपर्यंत महाग होईल, असं कधीही वाटलं नसल्याचं पाटील म्हणाले होते.

First published on: 29-08-2022 at 13:10 IST

Web Title: Nitin gadkari tell incident when his friend offer him to join congress in nagpur pbs

“तू चुकीच्या पक्षात आहेस, काँग्रेसमध्ये ये”, मित्राच्या ऑफरनंतर नितीन गडकरी म्हणाले होते…

“आता गडकरींच्या मागेही कुणीतरी लागल्याचं दिसतंय”