अवकाळी पाऊस, गारपिटीनं शेतकरी हवालदील; नांदेडमध्ये अडीच हजार हेक्टरचं नुकसान!

राज्यात गेल्या काही दिवसांपासून थंडीची लाट पसरली असताना अचानक पडणाऱ्या पावसामुळे आणि गारपिटीमुळे शेतकऱ्यांचं मोठं नुकसान झालं आहे. नांदेडच्या बाऱ्हाळी भागामध्ये शुक्रवारी रात्री झालेल्या गारपिटीमुळे शेतकऱ्यांवर मोठं संकट उभं राहिलं आहे. तब्बल अडीच हजार हेक्टर क्षेत्रातल्या पिकाला या गारपिटीचा फटका बसला आहे. या भागातल्या हरभरा, गहू, सूर्यफूल, भुईमुगाच्या पिकाचं मोठं नुकसान झाल्याची माहिती समोर आली आहे.