Petrol And Diesel Rates Today: महाराष्ट्रात शेवटच्या टप्प्यात मतदान चालू असताना पेट्रोल-डिझेलचा भाव वधारला? तुमच्या शहरात किती रुपये मोजावे लागणार?

मुंबई शहरात पेट्रोलचा आजचा दर १०४.२४ प्रति लिटर तर डिझेलचा दर ९०.६२ प्रति लिटर आहे. मुंबई शहरातील पेट्रोलच्या किमतीत कोणताही बदल नोंदवला गेला नाही. पण, १८ मे २०२४ च्या तुलनेत मुंबईत डिझेलच्या किमतीत दरवाढ दिसून येत आहे. निवडणुकीच्या पाश्वभूमीवर तुम्ही आज महाराष्ट्रातील इतर भागातील पेट्रोलचे दर आणि मागील दिवसाच्या तुलनेत किंमतीतील बदल देखील तपासू शकता. घराबाहेर पडण्यापूर्वी तुमच्या शहरात आज काय सुरु आहे दर एकदा तपासून घ्या.

आकडेवारीनुसार मुंबई, पुणे, कोल्हापुरात किंचित दरवाढ तर काही शहरात मात्र स्तिथी कायम आहे. हिंदुस्तान पेट्रोलियम कॉर्पोरेशन, इंडियन ऑइल कॉर्पोरेशन ऑफ इंडिया सारख्या कंपन्या त्यांच्या वेबसाइटवर पेट्रोल आणि डिझेलचे दर जाहीर करतात. भारतातील पेट्रोलच्या किंमती दररोज जाहीर केल्या जातात याला डायनॅमिक इंधन किंमत पद्धत असे म्हणतात. तसेच विविध घटकांचा इंधनाच्या किमतीवर परिणाम होतो. यामध्ये रुपया ते यूएस डॉलर दर, कच्च्या तेलाची किंमत, जागतिक संकेत, इंधनाची मागणी इत्यादींचा समावेश होतो. जेव्हा आंतरराष्ट्रीय कच्च्या तेलाच्या किमती वाढतात तेव्हा भारतात इंधनाच्या किमती वाढतात.