ट्रकने ठोकर मारल्यामुळे झालेल्या अपघातात मोटार-सायकलस्वार जागीच ठार झाला. ही दुर्घटना रसायनी पोलीस स्टेशनच्या हद्दीत २० नोव्हें.ला दुपारच्या सुमारास सावळागावच्या हद्दीत घडली. मोहन मोहेकर (रा. कळंबोली) असे मृत मोटार-सायकलस्वाराचे नाव आढळून आल्याचे पोलिसांनी सांगितले. एमएच-२१-एक्स-३५१६ क्र. ट्रक कसळखंड, ता. पनवेल येथून आपटामार्गे अलिबाग तालुक्यातील रेवदंडा येथे जात होता. दरम्यान, मोहन मोहेकर एम.एच.-४६ आर १४९२ क्र.च्या मोटार-सायकलवरून रसायनी येथून कोनफाटय़ाकडे जात होता. सावळागावच्या वळणावर ट्रकने मोटार-सायकलला समोरून ठोकर मारली. मोटार-सायकलस्वार मोहेकर जागीच ठार झाला. अपघाताची खबर ट्रकचालक ज्ञानेश्वर उतेकर (२२, जालना) याने रसायनी पोलीस स्टेशनमध्ये स्वत: दिली. सदर प्रकरणी स. पो. नि. गुप्त यांच्या मार्गदर्शनाखाली पोलीस नाईक वैभव पाटील अधिक तपास करीत आहेत.