पलूस-कडेगाव विधानसभा मतदारसंघ हा सांगली लोकसभा मतदारसंघाचा एक भाग आहे. काँग्रेसचे नेते विश्वजित पतंगराव कदम हे पलूस-कडेगाव विधानसभा मतदारसंघाचे विद्यमान आमदार आहेत. या मतदारसंघात सांगली जिल्ह्यातील पलूस आणि कडेगाव या दोन तालुक्यांचा समावेश होतो. २००८ मध्ये विधानसभा मतदारसंघांची फेरमांडणी झाल्यानंतर पलूस-कडेगाव विधानसभा मतदारसंघ अस्तित्वात आला. त्याआधी हा मतदारसंघ वांगी-भिलवडी या नावाने ओळखला जात. या मतदारसंघात माजी मंत्री स्व. डॉ. पतंगराव कदम यांचे वर्चस्व होते. तब्बल सहावेळा या मतदारसंघातून पतंगराव कदम हे विधानसभेवर निवडून गेले होते. त्यांच्या निधनानंतर त्यांचे पूत्र विश्वजित कदम यांची पलूस-कडेगाव विधानसभा मतदारसंघावर पकड आहे. २०२४ च्या विधानसभा निवडणुकीसाठी भाजपकडून जिल्हा परिषदेचे माजी अध्यक्ष संग्रामसिंह देशमुख यांना उमेदवारी देण्यात आली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
