Petrol and Diesel Prices Today: महिन्याच्या शेवटच्या दिवशी नागरिकांच्या खिशाला कात्री की दिलासा; तुमच्या शहरांतील पेट्रोल-डिझेलचा आजचा भाव जाणून घ्या

पेट्रोल-डिझेलचा भाव आंतरराष्ट्रीय बाजारातील कच्चा तेलाच्या किंमतींवर ठरतात. महाराष्ट्रातील काही शहरांत मे महिन्याच्या अखेरीस पेट्रोल-डिझेलच्या भावात किंचित बदल झाला आहे. २९ मे २०२४ रोजी अमरावती शहराची पेट्रोलची किंमत १०५.०५ रुपये प्रति लिटर होती. तर आजच्या तारखेला अमरावती शहराची पेट्रोलची किंमत कमी होऊन १०४.८२ रुपये प्रति लिटर झाली आहे. तर वाशीम शहरांत २९ मे २०२४ रोजी पेट्रोलची किंमत १०४.५७ रुपये प्रति लिटर होती. तर आजच्या तारखेला पेट्रोलच्या किंमतीत किंचित दरवाढ पाहायला मिळाली आहे. वाशीम शहरांत पेट्रोलचा आजचा दर १०५.२६ रुपये प्रति लिटर आहे.

सरकार ऑइल मार्केटिंग कंपनी रोज पेट्रोल-डिझेलच्या किमतीचे समीक्षण करून सकाळी सहा वाजता नव्या किमती जाहीर करतात. अनेक घटक पेट्रोलची किंमत ठरवतात. जसे की रुपया ते अमेरिकन डॉलर विनिमय दर, कच्च्या तेलाची किंमत, जागतिक संकेत, इंधनाची मागणी, इतर. जेव्हा आंतरराष्ट्रीय कच्च्या तेलाच्या किमती वाढतात तेव्हा भारतात इंधनाच्या किमती वाढतात. तसेच हे दर जाहीर केल्यावर नागरिकांपर्यंत पोहचवले जातात.

मुंबई शहरात मागील अनेक दिवसांपासून पेट्रोलची किंमत १०४.२४ रुपये प्रति लिटर आणि डिझेलची किंमत ९२.१५ रुपये प्रति लिटर आहे. तर मुंबई, पुण्यासह महाराष्ट्रातील इतर शहरांत उद्या १ जून २०२४ रोजी पेट्रोल-डिझेलच्या किमतीत वाढ होणार का नागरिकांना दिलासा मिळणार याकडे सर्व नागरिकांचे लक्ष लागून राहील. तुम्ही पेट्रोल आणि डिझेलचे दैनंदिन दर एसएमएसद्वारेही तपासून पाहू शकता आणि बाहेर निघण्यापूर्वी पेट्रोलची टाकी फूल करून घ्या.