पिंपळगावमध्ये सामूहिक काॅपी; ११ पर्यवेक्षकांसह १३ जणांवर गुन्हा

पिंपळगाव वळण येथील आदर्श उच्च माध्यमिक विद्यालयाचे केंद्र संचालक योगेश जाधव, पी. ए. जाधव, नेहा लगड, एस. यू. भोपळे, एस. जी. लोखंडे, ए. एन. सूरडकर, आर. आर. वेताळ, आर. बी. झाला, ए. बी. जाधव, पी. एस. वाकळे, एम. डी. पाटील, व्ही. व्ही. नलावडे या पर्यवेक्षकांसह बदली कर्मचारी एल. के. डोळस, अशी गुन्हा दाखल झालेल्यांची नावे आहेत. या प्रकरणातील चौकशीत आदर्श विद्यालयात परीक्षा देणारे एकूण ६७५ परीक्षार्थींपैकी अनेक विद्यार्थी छत्रपती संभाजीनगर जिल्ह्याच्या बाहेरील आहेत. तसेच ११ परीक्षकांची नियुक्तीबाबत असलेले कागदपत्र व त्यावर त्यांच्या नावासमोर दर्शवलेली त्यांची महाविद्यालय यांची शिक्षक हजेरीत, असे इतर अनुषंगिक बाबींची तपासणी करण्यात आली. यामध्ये ११ पर्यवेक्षक मान्यवर कांशीराम माध्यमिक व उच्च माध्यमिक विद्यालय आडगाव बुद्रुक येथे कार्यरत नाही, असेही दिसून आले. असे असतानाही त्यांना बारावीच्या गणित विषयाच्या प्रश्नपत्रिकेसाठी पर्यवेक्षण देण्यात आले होते. सोबतच स्वीकृती पत्रही बनावट स्वरुपाचे आढळून आले. तसेच चौकशी सुरू असताना आपण फसले जाऊ या भीतीने ११ पैकी तीन ते चार पर्यवेक्षकांनी दुसऱ्याच एका शाळेतून परीक्षेसाठी कार्यमुक्त झालो आहोत, अशा स्वरुपाची बनावट कार्यमुक्ती प्रमाणपत्र सादर केले.

शाळेची मान्यता रद्द करण्याचा प्रस्ताव

आदर्श उच्च माध्यमिक विद्यालय, पिंपळगाव वळण येथील इयत्ता बारावी परीक्षा संचलनात झालेल्या गैरप्रकाराची चौकशी करून संबंधितांवर गुन्हे दाखल करण्यात आले असून, या विद्यालयाची मान्यता रद्द करण्याचा प्रस्ताही सादर केला आहे. – विकास मीना, सीईआे.आदर्श उच्च माध्यमिक विद्यालयातील दहावी व बारावीचे परीक्षा केंद्र रद्द करण्याचा प्रस्ताव विभागीय मंडळाकडे पाठविण्यात आलेला आहे. – अश्विनी लाठकर, शिक्षणाधिकारी.