PM Modi Maharashtra Visit Live : पंतप्रधान मोदींच्या हस्ते ‘क्रांती गाथा’ भूमिगत दालनाचे उद्घाटन

पंतप्रधान नरेंद्र मोदी यांच्या हेलिकॉप्टरचे देहूमध्ये आगन होताच येथे एकच जल्लोष करण्यात आला. मोदी आता हेलिकॉप्टमधून उतरून तुकाराम महाराजांच्या मंदिराकडे जात आहेत.

पंतप्रधान नरेंद्र मोदी देहूमध्ये दाखल झाले आहेत. ते संत तुकाराम महाराजांच्या शिळा मंदिराचे लोकार्पण करतील. २० मिनिटांच्या या लोकार्पण सोहळ्यानंतर ते सभेला संबोधित करणार आहेत. येथे चोख पोलीस बंदोबस्त ठेवण्यात आला आहे.

नरेंद्र मोदी पुण्यात पोहोचले आहेत. आता ते हेलिकॉप्टरने देहूकडे रवाना झाले आहेत. येथे ते संत तुकाराम महाराज यांच्या मंदिराचे लोकार्पण करतील.

पंतप्रधान नरेंद्र मोदी लोहगाव विमानतळावर पोहोचल्यानंतर त्यांचे पुण्याचे पालकमंत्री अजित पवार यांनी स्वागत केले. सध्या मोदी देहूकडे रवाना झाले आहेत.

नरेंद्र मोदी यांचे काही क्षणात विमानतळावर आगमन होणार आहे. त्यामुळे मोदींच्या स्वागतासाठी विधानसभेचे विरोधी पक्षनेते देवेंद्र फडणवीस विमानतळवर पोहोचले आहेत. त्यांच्यासोबत शहराध्यक्ष जगदीश मुळीक हेदेखील आहेत. प्रशासकीय क्षेत्रातील विभागीय आयुक्त सौरभ राव, जिल्हाधिकारी डॉ. राजेश देशमुख हे अधिकारीदेखील येथे उपस्थित आहेत.

नरेंद्र मोदी यांच्या स्वागताची तयारी पूर्ण झाली असून येथे उपमुख्यमंत्री अजित पवार उपस्थित आहेत. तसेच भाजपाचे प्रदेशाध्यक्ष चंद्रकांत पाटीलदेखील विमानतळावर दाखल झाले आहेत.

'मी गातो नाचतो आनंदे, वेडा झालो मी तव छंदे हा संत तुकाराम महाराजांचा अभंग कल्याण गायकवाड यांनी सादर केला आहे.

मोदींच्या प्रत्येक सभेत जशी काळ्या कपड्यांवर बंदी असते तशाच पद्धतीने आजच्या सभेतदेखील काळे कपडे, मास्क, कुठल्याही प्रकारचा काळा कपडा गेटवरच काढून घेण्यात येत आहे. तर काळे कपडे परिधान करून आलेल्यांना सभा स्थळी प्रवेश नाकारण्यात येत आहे. त्याचबरोबर चावी, पाण्याची बाटली, कुठल्याही प्रकारची पिशवी घेऊन जाण्यास मनाई आहे.

सुरक्षेच्या कारणास्तव या सभेला उपस्थित राहणाऱ्या वारकऱ्यांना व्हीआयपी पास देण्यात आले आहेत. याशिवाय कडक तपासणी करूनच वारकऱ्यांना सभास्थळी सोडण्यात येत आहेत.

पंतप्रधान मोदी हे दोन तास देहू परिसरात असणार आहेत. दुपारी एक वाजून दहा मिनिटांनी मोदी यांचे लोहगाव विमानतळावर आगमन होईल. त्यानंतर विमानतळावरून देहूकडे ते प्रयाण करतील. एक वाजून ४५ मिनिटांनी मंदिर समिती जगद्गुरू श्री संत तुकाराम महाराज मंदिर संस्था परिसरात ते दाखल होतील. या ठिकाणी श्री संत तुकाराम महाराज मूर्ती, शिळा मंदिराचा २० मिनिटांचा लोकार्पण सोहळा होईल. दोन वाजून १० मिनिटांनी ते सभेच्या ठिकाणी दाखल होतील. या ठिकाणी ५० मिनिटांची सभा होणार असून सभामंडपात वारकरी आणि भाविकांशी ते संवाद साधणार आहेत.

भाविकांसाठी अभंगवाणी कार्यक्रमाचे आयोजन करण्यात आले आहे. गायिका कार्तिकी गायकवाडने 'विधनुमय जग वैष्णवांचा धर्म' तर कौस्तुभ गायकवाड याने 'अवघे गरजे पंढरपूर' हा अभंग सादर केला. मुख्य मंडपात आणि दोन उपमंडपात मिळून सुमारे दहा हजारांहून अधिक लोकांची उपस्थिती या कार्यक्रमासाठी आहे. पुरुष वारकरी पेहरावात दिसत असून त्यांच्या डोक्यावर गांधी टोपी, भगवी टोपी आणि भगवे फेटे लावलेले आहेत.

कार्यक्रम दोन वाजता सुरू होणार असला तरी देहूकरांनी साडेदहा वाजल्यापासून सभास्थानाकडे धाव घेतली आहे. पोलिसांनी भाविकांना थांबवले आहे. पायी वारी करणाऱ्या वारकऱ्यांसाह नागरिकांनो दोन किलोमीटरचे अंतर पार केले आहे.

पंतप्रधान नरेंद्र मोदी मंगळवारी मुंबई दौऱ्यावर येत असून राजभवनमधील कार्यक्रमात मोदी व मुख्यमंत्री उद्धव ठाकरे हे एका व्यासपीठावर  उपस्थित राहणार आहेत. पंतप्रधान मोदी हे मंगळवारी मुंबईत दोन कार्यक्रमांना उपस्थित राहणार आहेत. देहू येथील कार्यक्रम पार पडल्यावर पंतप्रधान मुंबईत दाखल होतील.

मोदी यांच्या दौऱ्यानिमित्त पुणे तसेच मुंबई येथे सुरक्षा व्यावस्था वाढवण्यात आली आहे. मोदी देहू येथील संत तुकाराम महाराज मंदिराचे उद्घाटन करणार आहेत.

पंतप्रधान नरेंद्र मोदी आज महाराष्ट्र दौऱ्यावर आहेत. या दौऱ्यामध्ये ते पुणे तसेच मुंबई येथील कार्यक्रमांना हजेरी लावणार आहेत. देहू येथील कार्यक्रम पार पडल्यावर पंतप्रधान हे मुंबईत दाखल होतील. दुपारी त्यांच्या हस्ते राजभवनमध्ये ‘जल भूषण’ या नव्याने उभारण्यात आलेल्या राज्यपालांच्या निवासस्थानाची इमारत आणि स्वातंत्र्यसैनिकांच्या स्मरणार्थ उभारण्यात आलेल्या संग्रहालयाचे उदघाटन मोदी यांच्या हस्ते होईल.