पुणे – बंगळुरू महामार्गाचा ठेकेदार बदलणार; शिवेंद्रसिंहराजे, नितीन गडकरींकडून अपूर्ण कामाची दखल

हेही वाचा >>> मिरजेत प्रदूषित पाण्यामुळे हजारो मासे मृत; मिरजेतील ऐतिहासिक गणेश तलावातील घटना

महाराष्ट्राच्या कॅबिनेट मंत्रिपदाची शपथ घेतल्यानंतर सार्वजनिक बांधकाममंत्री शिवेंद्रसिंहराजे भोसले प्रथमच सातारा जिल्ह्यात आले. यावेळी ते पत्रकारांशी बोलत होते. शिवेंद्रसिंहराजे म्हणाले, की पुणे – बंगळुरू महामार्गातील पुणे ते सातारा दरम्यानच्या रस्ते विकासाची अनेक कामे अपुरी आहेत. याचा प्रवाशांना त्रास सहन करावा लागत आहे. यासाठीच केंद्रीय मंत्री नितीन गडकरी यांची आपण भेट घेतली. या वेळी त्यांनीही याची दखल घेत या कामावरील ठेकेदार कंपनी ‘रिलायन्स’कडून हेकाम काढून घेऊन दुसऱ्या कंपनीला देण्याचे ठरल्याचे सांगितले. याबाबत सर्व प्रक्रिया पूर्ण झाली आहे. मुंबई अथवा दिल्ली येथे लवकरच याबाबत बैठक घेऊन हे काम काढून दुसऱ्या ठेकेदाराला देण्यात येणार असल्याचे शिवेंद्रसिंहराजे यांनी सांगितले.