रायगड किल्ल्याच्या संवर्धनासाठी ९ कोटींचा निधी प्राप्त

किल्ले रायगडाच्या संवर्धनासाठी राज्य सरकारने ५२० कोटींच्या पॅकेजची घोषणा केली आहे. या योजनेअंतर्गत पहिल्या टप्प्यातील कामांसाठी ९ कोटी रुपयांचा निधी जिल्हाधिकारी कार्यालयाला प्राप्त झाला आहे. त्यामुळे किल्ल्याच्या संवर्धन व सुशोभीकरण कामाला लवकरच सुरुवात होणार आहे.

आणखी वाचा

तीर्थक्षेत्र दर्शनासाठी राज्याला अतिरिक्त रेल्वे गाड्यांची प्रतीक्षा; कुंभमेळ्यामुळे गाड्यांची कमतरता

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

पिंपरी महापालिकेचे ‘व्हीजन @५०’ ; भविष्यातील समस्या आणि उपाययोजनांवर सहा आठवडे गटचर्चा

‘जेएनपीए’च्या विस्ताराला बळ, केंद्रीय मंत्री सोनोवाल यांच्या उपस्थितीत दोन हजार कोटींच्या प्रकल्पांना प्रारंभ

देशातील पहिल्या समुद्री भुयारी मार्गिकेतून इतक्या वेगात धावणार बुलेट ट्रेन, रेल्वे मंत्री अश्विनी वैष्णव यांनी दिली माहिती

साडेतीन हजार कोटींची थकबाकी वसुलीसाठी पुणे महापालिकेने घेतला हा निर्णय !

वर्षभरात ३०७ कोटींची निर्यात, डाळ व कापूस परदेशात; ‘एक जिल्हा, एक उत्पादन’मध्ये….

टाटा मुंबई मॅरेथाॅनसाठी विशेष लोकल सेवा

छत्रपती शिवाजी महाराजांच्या जाज्वल्य इतिहासाचा साक्षीदार असणाऱ्या किल्ले रायगडाच्या संवर्धन व सुशोभीकरणासाठी राज्य सरकाने हालचाली सुरू केल्या आहेत. कोकण आयुक्तांनी रायगड किल्ल्याच्या संवर्धन व सुशोभीकरणासाठी ५२० कोटींचा आराखडा तयार केला आहे. त्याला राज्य सरकारने मंजुरी दिली आहे. पुरातत्त्व विभाग आणि राज्य सरकारच्या संयुक्त उपक्रमातून किल्ले रायगडाचे सुशोभीकरण व संवर्धन केले जाणार आहे.

पर्यटनस्थळाच्या ठिकाणी पायाभूत सुविधा पुरवण्यासाठी प्रादेशिक पर्यटन योजनेअंतर्गत सन २०१६-१७ साठी २०० कोटी रुपयांची अर्थसंकल्पीय तरतूद करण्यात आली आहे. यातील १६० कोटींचा निधी डिसेंबर अखेपर्यंत वितरणासाठी उपलब्ध होणार आहे. आत्ता पर्यंत ३ कोटी ३९ लाख रुपयांचा निधी उपलब्ध झाला असून शिल्लक असलेल्या १५६ कोटींपकी ९ कोटींचा निधी किल्ले रायगडाच्या संवर्धनासाठी रायगड जिल्हाधिकारी यांना उपलब्ध करून देण्यात आला आहे.

या अंतर्गत रायगड किल्ल्यावर विविध ठिकाणी दगडी माíगका तयार करण्याची कामे केली जाणार आहेत. नगारखाना ते बाजारपेठ परिसरातील माíगकेसाठी ५ कोटी रुपयांचा खर्च अपेक्षित आहे. या कामासाठी २ कोटी रुपयांचा निधी पहिल्या टप्प्यात उपलब्ध करून दिला जाणार आहे. जगदीश्वर मंदिर ते बाजारपेठ परिसरातील माíगकेसाठी ७ कोटी रुपयांची गरज असून या कामासाठी ३ कोटी रुपयांचा निधी मंजूर करण्यात आला आहे. किल्ल्यावरील शिरकाई देवी मंदिर ते महादरवाजापर्यंत दगडी माíगकेचे काम केले जाणार आहे. यासाठी ९ कोटी रुपयांचा खर्च अपेक्षित आहे. यात पहिल्या टप्प्यासाठी ४ कोटी रुपये उपलब्ध झाले आहेत.

ही सर्व कामे पुरातत्त्व विभागाच्या माध्यमातून केली जाणार आहेत. जिल्हा नियोजन अधिकारी हे या योजनेचे आहरण व सिवतरण अधिकारी कामकाज पाहणार आहेत. तर रायगडच्या जिल्हाधिकारी नियंत्रक अधिकारी म्हणून कामावर लक्ष ठेवणार आहेत. निधी उपलब्ध झाल्याने किल्ला संवर्धनाची मंजूर कामे तातडीने सुरू करण्याचे आदेश पर्यटन व सांस्कृतिक विभागाने दिले आहेत.