“नुसतं बाळासाहेबांचं नाव घ्यायचं, पण…”, मराठी पाट्यांच्या मुद्द्यावरून राज ठाकरेंचा शिंदे सरकारवर संताप

दुकाने आणि आस्थापनांवर मराठी भाषेत नामफलक लावण्यासाठी दिलेली मुदत संपल्यामुळे नियमाचे पालन न करणाऱ्या आस्थापनांवर २८ नोव्हेंबरपासून कारवाई सुरू केली जाईल, असं मुंबई महापालिकेने सांगितलं होतं. मराठी पाट्यांसाठी महाराष्ट्र नवनिर्माण सेनेने गेल्या अनेक वर्षांपासून मराठी पाट्यांचा मुद्दा उचलून धरला आहे. राज्य सरकारने तथा वेगवेगळी शहरं आणि जिल्ह्यांमधील स्थानिक प्रशासनाने राज्यभरात दुकानांवरील आणि आस्थापनांवरील पाट्या मराठीत करून घ्याव्यात, अशी मागणी करत मनसेने अनेकवेळा आंदोलनही केलं आहे. तसेच न्यायालयीन लढाई लढली आहे. एका बाजूला मनसेचं आंदोलन चालू आहे. तर दुसऱ्या बाजूला न्यायालयानेही दुकाने आणि आस्थानपनांवर मराठी भाषेत नामफलक असायला हवेत असं म्हटलं आहे. परंतु, राज्य सरकार किंवा मुंबई महानगर पालिकेने उचित कारवाई केलेली दिसत नाही

एकट्या मुंबईत तब्बल पाच लाख आस्थापना असून त्यात दुकाने, कार्यालये, हॉटेल, दवाखाने या सगळ्यांचा समावेश आहे. आतापर्यंत मुंबईतील ८० टक्के आस्थापनांनी मराठी नामफलक लावले असून २० टक्के आस्थापनांनी देवनागरीत फलक लावलेले नाहीत. अमराठी भागात मराठी फलक न लावण्याचे प्रमाण मोठे आहे. यावरून मनसे अध्यक्ष राज ठाकरे यांनी राज्य सरकारला टोला लगावला आहे

आणखी वाचा

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

Madhuri Dixit : डर चित्रपट माधुरी दीक्षितने का…

BJP : उपराष्ट्रपती व्ही. पी. धनखड यांना हटवण्यासाठी विरोधकांचा गोंधळ, भाजपाने नेमकी काय खेळी केली?

Chandrashekhar Bawankule : “उद्धव ठाकरेंमध्ये हिंमत असेल तर…”, चंद्रशेखर बावनकुळे यांचं खुलं आव्हान

Shiv Sena UBT : “ठाकरेंच्या शिवसेनेला नाकारण्याचा जनतेचा निर्णय किती योग्य, हेच पुन्हा अधोरेखित होतंय”, भाजपा नेत्याची आगपाखड

Eknath Shinde : “कर्नाटक सरकारचा दडपशाहीचा प्रयत्न”, उपमुख्यमंत्री एकनाथ शिंदेंनी सुनावलं

Aaditya Thackeray : “आम्हाला ‘बटेंगे तो कटेंगे’ सांगणारे अशावेळी जातात कुठे?” बेळगावच्या प्रश्नावर आदित्य ठाकरेंचा भाजपाला सवाल

Uddhav Thackeray : “दाढी कुरवाळण्याच्या नादात जे काही पाप केले…” हिंदुत्वाच्या मुद्द्यावरून मनसेची उद्धव ठाकरेंवर टीका

राज ठाकरे म्हणाले, आपलं सरकार नुसतं तोंड वाजवायला आहे. मराठी आणि हिंदुत्वाबद्दल केवळ बोलायला आहे. नुसतं बाळासाहेबांचं नाव घ्यायचं, बाळासाहेबांचे विचार – बाळासाहेबांचे विचार असं म्हणायचं, पण यांनी बाळासाहेबांचे कोणते विचार घेतले. न्यायालयाने सांगूनही सरकारला दुकानांवर मराठी पाट्या करून घेता येत नाही. यापूर्वी आम्ही मराठी पाट्या केल्या होत्या. तेव्हा सरसकट कराव्या लागल्या होत्या. पण या सरकारचा धाकच नाही.