“राजकारणातील सर्व पुतण्यांचा डीएनए सारखाच” म्हणणाऱ्या छगन भुजबळांना राज ठाकरेंचा टोला; म्हणाले, “त्यांनी आता…”

राजकारणात असलेल्या सर्वच पुतण्यांचा डीएनए सारखाच आहे, असं वाटायला लागलंय, असं छगन भुजबळ म्हणाले होते.

राज ठाकरेंचा छगन भुजबळांना टोला ( फोटो - लोकसत्ता ग्राफीक्स टीम )

Raj Thackreray On Chhagan Bhujbal : काही दिवसांपूर्वीच छगन भुजबळ यांचा पुतण्या समीर भुजबळ यांनी राष्ट्रवादी काँग्रेस (अजित पवार) पक्ष सोडत अपक्ष निवडणूक लढवण्याचा निर्णय जाहीर केला होता. त्यानंतर राजकीय वर्तुळात विविध चर्चांना उधाण आलं होतं. छगन भुजबळ यांनी यासंदर्भात प्रतिक्रिया देताना समीर भुजबळ यांच्यावर खोचक शब्दात टीका केली होती. राजकारणातील सर्व पुतण्यांचा डीएनए सारखाच आहे, असे ते म्हणाले होते. याशिवाय त्यांनी काही नेत्यांची उदारहरणंदेखील दिली होती. यावरून आता मनसे अध्यक्ष राज ठाकरे यांनीही भाष्य केलं आहे.

नेमकं काय म्हणाले राज ठाकरे?

राज ठाकरे आज एबीपी माझाच्या ‘माझा महाराष्ट्र, माझं व्हिजन’ या कार्यक्रमात सहभागी झाले होते. यावेळी बोलताना त्यांनी विविध विषयांवर त्यांची भूमिका स्पष्ट केली. यादरम्यान, त्यांना छगन भुजबळांच्या विधानाबाबतही विचारण्यात आलं. यासंदर्भात बोलताना, “छगन भुजबळांनी आता आमच्यासारख्या पुतण्यांना बरोबर घेऊन एक पक्ष काढावा”, असा टोला त्यांनी लगावला.

नक्की वाचा

अमित ठाकरेंच्या उमेदवारीवर देवेंद्र फडणवीस म्हणतात, “राज ठाकरेंनी या एका जागेवर…”

Nana Patole : निकालाआधी राजकीय घडामोडींना वेग; यातच…

Sharad Pawar Mimicry : शरद पवारांनी नक्कल केल्यानंतर अजित पवारांची पहिली प्रतिक्रिया; म्हणाले, “मुलाप्रमाणे असलेल्या…”

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

Shrinivas Vanga: ‘आधी रडले, ठाकरेंना देव म्हणाले’, घरी परतल्यावर आमदार श्रीनिवास वनगांचे सूर बदलले; म्हणाले, “एकनाथ शिंदे…”

Sada Sarvankar : “मला निवडणूक लढवावीच लागेल”, सदा सरवणकर हतबल; म्हणाले, “राज ठाकरेंनी माझी…”

devendra fadnavis reaction on harshwardhan patil about join ncp sharad pawar group

Maharashtra Vidhan Sabha Election 2024: “आर. आर. आबा आता हयात नाहीत, पण एवढंच सांगतो की…”, देवेंद्र फडणवीसांचं अजित पवारांच्या दाव्यावर उत्तर!

हेही वाचा – MNS Seventh Candidates List : मनसेच्या सातव्या यादीत १८ जणांना संधी, आतापर्यंत किती शिलेदार रिंगणात? वाचा संपूर्ण यादी एका क्लिकवर!

“छगन भुजबळांनीही काकांची साथ सोडली”

पुढे बोलताना, “खरं तर छगन भुजबळसुद्धा पुतण्याबरोबरच पक्षातून बाहेर पडले. ते काकांबरोबर थांबले नाहीत. त्यांनी तरी किमान काकांची साथ सोडायला नको होती”, अशी प्रतिक्रियाही राज ठाकरे यांनी दिली.

हेही वाचा – MNS Candidates List : मनसेची सहावी यादी जाहीर; मुंबई-ठाण्यातील महत्त्वाच्या मतदारसंघातील उमेदवारांची घोषणा!

छगन भुजबळ काय म्हणाले होते?

समीर भुजबळ यांच्या बंडखोरीबाबत बोलताना, “राजकारणात असलेल्या सर्वच पुतण्यांचा डीएनए सारखाच आहे, असं वाटायला लागलंय. शरद पवार यांचा पुतण्या, अजित पवारांचा पुतण्या, गोपीनाथ मुंडेंचा पुतण्या, बाळासाहेब ठाकरेंचा पुतण्या, अशी अनेक पुतणे कंपनी आहे, हे सर्व काकांचं ऐकतात असं वाटत नाही. त्यामुळे राजकारणातील सर्वच पुतण्यांचा एक वेगळाच डीएनए आहे”, असं छगन भुजबळ यांनी म्हटलं होतं.

Web Title: Raj thackreray on chhagan bhujbal nephews dna statement spb