वाई: महायुतीत भाजप, शिवसेना आणि राष्ट्रवादी यांची ज्याप्रमाणे चर्चा होते, तशी आरपीआयची चर्चा होत नाही, अशी खंत केंद्रीय मंत्री रामदास आठवले यांनी साताऱ्यात पत्रकारांशी बोलताना व्यक्त केली.साताऱ्यात रिपाइं आठवले गटाच्या पश्चिम महाराष्ट्र विभागीय कार्यकर्ता प्रशिक्षण शिबिराच्या निमित्ताने केंद्रीय सामाजिक न्याय राज्यमंत्री रामदास आठवले हे आले होते. यावेळी ते पत्रकारांशी बोलत होते. आठवले म्हणाले लोकसभा आणि विधानसभेच्या अनुषंगाने मागच्या वेळी भाजपच्या चिन्हावर आमचे पाच उमेदवार उभे होते. त्यापैकी दोन उमेदवार निवडून आले. परंतु आता लोकसभा आणि विधानसभेच्या निवडणुकीत भाजपच्या चिन्हावर उभे राहणे योग्य नाही. मी तीनवेळा जेव्हा काँग्रेसच्या आघडीबरोबर निवडून आलो. तेव्हा रिपाइंच्या चिन्हावर निवडून आलो. त्यामुळे यावेळी दोन लोकसभा आणि दहा विधानसभेच्या जागा मिळाव्यात, हा आमचा प्रयत्न असेल. रिपाइंचे सहा आमदार निवडून येतील.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
