एकनाथ शिंदेंनी कवाडेंना युतीत घेतल्याने रामदास आठवलेंची नाराजी; म्हणाले, “मी त्या दोघांशी…”

कवाडे आणि शिंदे गटाच्या युतीबाबत विचारलं असता रामदास आठवले म्हणाले, “प्राध्यापक जोगेंद्र कवाडे आमचे चांगले मित्र आहेत. आम्ही अनेक वर्षे एकत्र राहिलो आहोत. पण मुख्यमंत्री एकनाथ शिंदे यांनी जोगेंद्र कवाडे यांना आपल्यासोबत घेण्यापूर्वी आमच्याशी चर्चा करणं अत्यंत आवश्यक होतं. महायुतीत नवीन लोकांचं स्वागत आहे. पण आम्हाला विचारात न घेता, थेट जी घोषणा करण्यात आली, ती अयोग्य आहे, असं आपलं मत आहे,” अशी प्रतिक्रिया आठवलेंनी दिली.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Nana Patole : निकालाआधी राजकीय घडामोडींना वेग; यातच…

Eknath Shinde : मुख्यमंत्री शिंदेंचा हिना गावितांना अप्रत्यक्ष इशारा; म्हणाले, “बंडखोरी…”

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

“विरोधकांनी योजनांसह वचननामाही चोरला…”, मुख्यमंत्री एकनाथ शिंदेंची अंबरनाथमध्ये टीका

महाविकास आघाडीने जाहीरनामा चोरला; एकनाथ शिंदे यांचा आरोप

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

हेही वाचा- शिंदे-कवाडे युतीचा राजकीय लाभ कोणाला?

आठवले पुढे म्हणाले, “नवीन व्यक्तीला किंवा पक्षाला महायुतीत घेताना किमान चर्चा होणं आवश्यक होतं. याबाबत एकनाथ शिंदे भाजपाशीही बोलले आहेत की नाही? हे मला माहीत नाही. शिवसेनेत कुणाला घ्यायचं असेल, तर तो त्यांचा अधिकार आहे. जोगेंद्र कवाडे किंवा इतर दुसरा कुठला नेता शिवसेनेत जात असेल तर त्यासाठी आम्हाला विचारण्याची आवश्यकता नाही. पण कुठल्याही नवीन पक्षाला युतीत घ्यायचं असेल तर आम्हालाही विश्वासात घेतलं पाहिजे,” अशी नाराजी आठवलेंनी व्यक्त केली.

हेही वाचा- “सगळे घाव झेलायला ताई आणि मलाई खायला…”, पंकजा मुंडेंबाबत प्रीतम मुंडेंचं मोठं विधान!

रामदास आठवले पुढे म्हणाले, “कवाडेंना युतीत घेतल्याबद्दल मी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी बोलणार आहे. ते नागपूरच्या अधिवेशनात व्यग्र होते. आम्हीही दिल्लीच्या अधिवेशनात होतो. त्यामुळे मी त्या दोघांशीही बोलणार आहे. पुढे असा निर्णय घेताना आम्हाला विश्वासात घ्यावं असं आमचं मत आहे. किमान दलित समाजातून कुणाला महायुतीत घ्यायचं असेल तर आमच्याशी चर्चा व्हायला पाहिजे,” असंही रामदास आठवले म्हणाले.