"...या लोकांना मी सोडणार नाही" शिंदे-फडणवीसांच्या आदेशाचं पालन करणार म्हणत रवी राणांचा इशारा! | ravi rana reaction after fir lodged against him bachchu kadu eknath shinde devendra fadnavis rno news rmm 97

अमरावतीचे अपक्ष आमदार रवी राणा यांनी अलीकडेच बच्चू कडू यांच्यावर गंभीर आरोप केले होते.

अमरावतीचे अपक्ष आमदार रवी राणा यांनी अलीकडेच बच्चू कडू यांच्यावर गंभीर आरोप केले होते. बच्चू कडू यांनी गुवाहाटीला जाऊन कोट्यवधी रुपये लाटले, असा आरोप त्यांनी केला होता. या आरोपानंतर बच्चू कडू आणि रवी राणा यांच्यातील वाद पेटला आहे. या प्रकरणी बच्चू कडूंनी राजापेठ पोलीस ठाण्यात रवी राणा यांच्याविरोधात तक्रार दाखल केली आहे. या तक्रारीनंतर राजापेठ पोलिसांनी राणांविरोधात अदखलपात्र गुन्हा दाखल केला आहे.

या घडामोडीनंतर रवी राणा यांनी पहिली प्रतिक्रिया दिली आहे. राज्यातील एकनाथ शिंदे आणि देवेंद्र फडणवीस यांचं सरकार हे आपलं सरकार आहे. त्यांनी दिलेल्या आदेशाचं मी पालन करणार आहे. पण माझ्यावर कुणी खालच्या भाषेत टीका केली किंवा शिवीगाळ केली, तर मी त्या लोकांना सोडणार नाही, अशी प्रतिक्रिया रवी राणा यांनी दिली आहे. ते अमरावतीत प्रसारमाध्यमांशी बोलत होते.

आणखी वाचा

CM Eknath Shinde : मुख्यमंत्री एकनाथ शिंदे यांची सर्व विजयी उमेदवारांबरोबर बैठक, मित्र पक्षाबरोबर चर्चा करण्याबाबत घेतला महत्त्वाचा निर्णय

Maharashtra Assembly Election 2024 Final Results Party wise

Maharashtra Assembly Election Final Result : महाराष्ट्रात कोणाला…

Rajesh Tope : मराठा आरक्षणासाठी मनोज जरांगेंच्या मांडीला मांडी लावून बसलेल्या शरद पवारांच्या शिलेदाराचा पराभव

Ajit Pawar : अजित पवारांच्या प्रचारात लक्षवेधी ठरलेल्या गुलाबी जॅकेटची इनसाईड स्टोरी काय?

Maharashtra Government Formation Oath Ceremony Date and Place

नव्या सरकारचं नेतृत्व कोण करणार? मुंबईतील ‘या’ प्रतिष्ठित ठिकाणी २५ तारखेला शपथविधीचा मुहूर्त ठरल्याची चर्चा

Ahmednagar vidhan sabha election 2024 result

Ahmednagar Vidhan Sabha Result : अहिल्यानगर जिल्ह्यात राष्ट्रवादी काँग्रेस (शरद पवार) पक्षाचे रोहित पवार एकमेव विजयी आमदार

MNS Raju Patil on Vidhan Sabha Election Result

MNS Raju Patil on Election Result : “गेली पाच वर्षे अपेक्षेपेक्षा जास्त…”, मनसेच्या एकमेव आमदाराचं पराभवानंतर वक्तव्य; म्हणाले, “निकाल येतील जातील…”

PM Modi : “छत्रपती शिवाजी महाराजांच्या महाराष्ट्राने दाखवून दिले की…”, विधासभेतील मोठ्या विजयानंतर मोदींची विरोधकांवर टीका

हेही वाचा- “अजित पवारांनी विरोधी पक्षनेतेपदाचा राजीनामा द्यावा, आणि…” उद्धव ठाकरेंच्या दौऱ्यावरून रामदास कदमांचं टीकास्र!

संबंधित वादावर भाष्य करताना रवी राणा म्हणाले, “मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचा आदेश माझ्यासाठी सर्वस्व आहे. त्यांच्या आदेशाचं मी नक्की पालन करेन. पण मला असं वाटतं की, मी जे बोललो तेच सत्य आहे, असं जर कुणी समजत असेल. खालच्या भाषेत शिवीगाळ करून स्वत:ला सत्यवादी समजणाऱ्यांनी हे लक्षात ठेवा की, तुम्ही जे बोलता ते हजारो लोकं ऐकतात, ते लोकं येणाऱ्या काळात तुम्हाला धडा शिकवतील.”

हेही वाचा- “साहेब, तुम्ही दोनदा स्वप्नात आलात” असं कार्यकर्त्याने सांगताच शरद पवारांनी विचारला भन्नाट प्रश्न, म्हणाले…

“माझ्याविरोधात कुणी खालच्या भाषेत टीका केली किंवा शिवीगाळ केली, तर या लोकांना मी सोडणार नाही. स्वतःला सत्यवादी समजणाऱ्यांना लोकं धडा शिकवतील. माझ्याविरुद्ध खोटे गुन्हे दाखल करणाऱ्यांना मी लवकरच उत्तर देईन” असंही आमदार रवी राणा म्हणाले.

First published on: 24-10-2022 at 17:13 IST

Web Title: Ravi rana reaction after fir lodged against him bachchu kadu eknath shinde devendra fadnavis rno news rmm

“…या लोकांना मी सोडणार नाही” शिंदे-फडणवीसांच्या आदेशाचं पालन करणार म्हणत रवी राणांचा इशारा!

अमरावतीचे अपक्ष आमदार रवी राणा यांनी अलीकडेच बच्चू कडू यांच्यावर गंभीर आरोप केले होते.