“राहुल गांधींचं एकच स्वप्न, मेरी शादी कब होगी?” मारकडवाडीतून सदाभाऊ खोतांचा चिमटा; ‘खळं लुटणारा’ म्हणत पवारांवर टीका

सदाभाऊ खोत म्हणाले, “इंडियातला सर्वात मोठा चोर मारकडवाडीत येणार आहे. राहुलबाबा मारकडवाडीत येणार असल्याचं मी ऐकलं. परंतु, माझं गावकऱ्यांना आवाहन आहे की तुम्ही इथे एक फलक लावून ठेवा. त्यांना विचारा, काट्याकुट्यातून तुडवित रस्ता… कसा गावकडं आलास बाबा…? राहुल बाबा अमेरिकेला जातात, जपान-रशियाला जातात. परंतु, त्यांना माहिती नाही की या इंडियात एक भारत देश सुद्धा आहे. या भारतात दगडमातीची घरं आहेत. आम्ही तुमचं या गावात स्वागत करू. हवं तर आमचा हा मंडप (भाजपाचा सभेचा मंडप) असाच तुमच्यासाठी ठेवू. तुम्ही मागितलात तर भटजीसुद्धा ठेवू. कारण गावाकडील मंगलाष्टका जरा ऐका. कारण राहुल बाबाचं एकच स्वप्न आहे. मेरी शादी कब होगी? जब मैं पंतप्रधान बनूंगा तब मेरी शादी होगी (माझं लग्न कधी होणार? मी पंतप्रधान झाल्यावर माझं लग्न होणार).

Kurla Bus Accident : कुर्ला दुर्घटनेतील मृतांची संख्या सातवर, मुख्यमंत्री देवेंद्र फडणवीसांकडून नातेवाईकांना नुकसानभरपाईची घोषणा!

राहुल गांधींचा मारकडवाडीत शपथविधी करू : सदाभाऊ खोत

रयत क्रांती संघटनेचे अध्यक्ष म्हणाले, “राहुल गांधींना मतपत्रिकेवर मतदान घ्यायचं आहे. बिचाऱ्याचं लग्न झालं पाहिजे बाबा. पोलिसांना मी विनंती करतो की त्यांना दोन डबे मांडून द्या. तिथे मतपत्रिकेवर मतदान होऊ द्या. तो निवडून आला की त्याचा इथेच पंतप्रधानपदाचा शपथविधी घेऊ. त्याची इच्छा पूर्ण होऊ दे आणि इथेच त्याच्या डोक्यावर अक्षता पडू देत.

हे ही वाचा >> Maharashtra News Live : ईव्हीएमच्या समर्थनात भाजपा मैदानात, खोत-प

सदाभाऊंची शरद पवारांवर टीका

सदाभाऊ खोतांनी यावेळी अप्रत्यक्षपणे शरद पवारांवरही टीका केली. ते म्हणाले, मारकडवाडी गाव भाग्यवान आहे. खळं लुटणारा या गावात आला आहे. दिवसाढवळ्या आमचं खळं कोण लुटतंय असा प्रश्न गावकऱ्यांना पडलेला. पण मारकडवाडीचे ग्रामस्थ लय बहाद्दर आहेत. त्यांनी भुलवत भुलवत खळं लुटणाऱ्याला गावात आणलंय.