समृद्धी महामार्गाला मिळणार शेततळ्यांची जोड

मुख्यमंत्री देवेंद्र फडणवीस यांचा महत्वकांक्षी प्रकल्प समजला जाणारा समृद्धी महामार्गाच्या भूसंपादनाचे काम जवळपास ९० टक्के पुर्ण झाले आहे. मात्र सरकारला यासाठी शेतकऱ्यांचा मोठा रोष पतकारावा लागला होता. अद्यापही १० टक्के शेतकरी आपली जमीन देण्यास तयार नसल्याचे दिसून येत आहे. असे असले तरी राज्य शासन लवकरच समद्धी महामार्गाचे कामाला सुरवात करणार आहे. महामार्ग उभारण्यासाठी लागणारे गौण खनिज कंत्राटदाराला सहज उपलब्ध व्हावे, यासाठी राज्य शासनाने एक युक्ती लढवली आहे. समृद्धी महामार्ग ज्या भागातून जाणार आहे, त्या बाजूला असणाऱ्या शेतकऱ्यांना पाहिजेत त्या प्रमाणात कंत्राटदार शेततळे तयार करून देईल, आणि यातून मिळणारे मुरूम, दगळ, माती तो महामार्गाच्या कामासाठी वापरणार. यामुळे दुष्काळी भागातील शेतकऱ्यांना मोठा फायदा होणार असून कंत्राटदाराला सहज गौण खनिज उपलब्ध होईल. यासाठी कंत्राटदाराला काही अटी घालण्यात आल्या आहे.

आणखी वाचा

डोंबिवलीत रस्ते, पदपथ अडविणाऱ्या हातगाडी, रिक्षा चालकांवर कारवाई, नागरिकांनी व्यक्त केले समाधान

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

कल्याण पूर्वेत थकबाकीदारांच्या मालमत्तांना टाळे

दाम्पत्याला भाट्ये समुद्रात खेळणे पडले महागात; स्थानिक मच्छीमारांनी वाचविले प्राण

शेतीमालाच्या विक्री धोरणाबाबत केंद्राची पुन्हा घाई; सूचना, हरकतींसाठी वेळ वाढवून देण्याची मागणी

लोकशिवार… मुरमाड जमिनीतील उसाची दमदार लागवड

नाशिक : रामशेज किल्ला संवर्धनार्थ अशी ही धडपड, शिवकार्य गडकोट संस्थेची श्रमदान मोहीम

बाजारातली माणसं : फंड उद्योगाचा पायाचा दगड, ए. पी. कुरियन

शेतकऱ्याची फसवणूक होऊ नये किंवा दोघांमध्ये कोणताही वाद होऊ नये यासाठी शेतकरी, ठेकेदार यांच्यात एक करार करण्यात येईल, यात मध्यस्ती म्हणून कृषी विभागाचे अधिकारी असणार आहे. कंत्राटदाराला मिळणारे गौण खनिजे महामार्ग विकास प्रकल्पांवरच वापरणे बंधनकारक करण्यात आले आहे. तसेच त्यांना या गौण खनिजांची विक्री करता येणार नाही. खोदकामाच्या ठिकाणापासून प्रकल्प स्थळापर्यंत रस्ता उपलब्ध नसल्यास असा पोहोच रस्ता संबंधित कंत्राटदाराला तयार करावा लागणार आहे. राज्य शासनाला समृद्धी महामार्गामुळे शेतकऱ्यांच रोषाला समोर जावे लागले होते. मात्र यामुळे शेतकऱ्यांचा रोष काही प्रमाणात कमी होण्याचे चित्र दिसत आहे.