सांगली : घरात घुसून पतीच्या डोळ्यात चटणी टाकून चाकूचा धाक दाखवत लूट करणार्या तिघांना पोलीसांनी बुधवारी अटक केली. त्यांच्याकडून लुटीतील ९० हजाराचे सोन्याचे दागिने हस्तगत करण्यात आले आहेत.
संजयनगर येथील दत्त कॉलनीमध्ये वास्तव्यास असलेल्या संगीता रामचंद्र ठोंबरे यांच्या घरात तीन अज्ञातांनी दि. ५ जुलै रोजी रात्री साडेअकरा वाजता लूट केली होती. एकाने घरात घुसून पतीच्या डोळ्यात चटणी टाकून पोटास चाकू लावला तर एकाने महिलेच्या गळ्यास विळा लावून कर्णफुले, झुबे, गळ्यातील बोरमाळ असा दोन तोळे वजनाचा ऐवज लंपास केला होता. या प्रकरणी भाजपच्या प्रदेश उपाध्यक्षा नीता केळकर यांनीही संजयनगर पोलीस ठाण्यात जाऊन या जबरी चोरीचा तपास गतीने करा, अन्यथा आम्हाला आंदोलन करावे लागले असा इशारा दिला होता.
हेही वाचा – सोलापूर : उजनी धरणात महिनाभरात १३ टीएमसी पाणीसाठा वधारला, पावसाचा आशा-निराशेचा खेळ सुरूच
दरम्यान, या प्रकरणी पोलीसांनी वाहिद मुसा पखाली (वय ४९, रा. शिंदे मळा), सलीम मेहबूब शेख (वय ३५, रा. संजय गांधी झोपडपट्टी) आणि तातोबा लक्ष्मण कांबळे (वय ५० रा. उत्तर शिवाजीनगर) या तिघांना अटक करून लुटीतील ऐवज हस्तगत केला.
