रत्नागिरीतील पत्रकार शशिकांत वारिशे मृत्यू प्रकरणात ठाकरे गटाचे नेते तथा खासदार संजय राऊत यांनी गंभीर स्वरूपाचे आरोप केले आहेत. वारिशे यांचा अपघाती मृत्यू झालेला नसून त्यांची हत्या करण्यात आली आहे. या मृत्यू प्रकरणाचा तपास करण्यासाठी एसआयटीची स्थापना झालेली असली तरी तपास प्रामाणिकपणे केला जाईल, याबाबत मी साशंक आहे, असे राऊत म्हणाले. सोबतच मलादेखील तुरुंगात जवळजवळ मारण्याचा प्रयत्न करण्यात होता, असा मोठा दावा संजय राऊत यांनी केला आहे. ते आज रत्नागिरीत पत्रकार परिषदेत बोलत होते.
हेही वाचा >>> पत्रकार शशिकांत वारिशे मृत्यप्रकरणी संजय राऊतांचा गंभीर आरोप; म्हणाले “एकाच वेळी सगळे…
तुम्ही असे किती खून करणार आहात?
“नाणार प्रकल्पाचा मुद्दा हा विकासाचा आहे. त्यामुळे याबाबतचा निर्णय स्थानिक लोकांनी घ्यायचा आहे. मला या संदर्भात दोन्ही बाजूचे लोक भेटतात. शशिकांत वारिशे यांची राजकीय हत्या आहे. राज्यातील सरकार बदलल्यानंतर आता कोण आडवे येते ते पाहा, असे ते सांगत आहेत. मग आडवे येणाऱ्यांचे खून करायचे का? तुम्ही असे किती खून करणार आहात? किती खून पचवणार आहात? ” असा थेट सवाल संजय राऊत यांनी केला.
हेही वाचा >>> “अदाणी प्रकरणामुळे भारताच्या विश्वासहार्तेला तडा, मोदींना उत्तर द्यावेच लागेल”, अमेरिकन अब्जाधीश जॉर्ज सोरोस यांची प्रतिक्रिया
मलाही आतमध्ये जवळजवळ मारण्याचाच प्रयत्न होता
“माझ्यासारख्या माणसाला तुरुंगात पाठवलं. मलाही आतमध्ये जवळजवळ मारण्याचाच प्रयत्न होता. याबाबत सर्वांनाच माहिती आहे. मी यावर योग्य वेळी बोलणार आहे,” असे मोठे विधान संजय राऊत यांनी केले. तसेच “तुम्हाला माणासं संपवण्यासाठी सत्तेवर आणले आहे का? शशिकांत वारिशे यांनी तुमचे काय वाकडे केले होते? वारिशे यांच्या आईचा आक्रोश मुख्यमंत्र्यांनी, गृहमंत्र्यांनी, येथील पालकमंत्र्यांनी पाहावा. हे महाराष्ट्रात चालणार नाही. ही महाराष्ट्राची संस्कृती नाही,” असेही संजय राऊत म्हणाले.
