मिस्टर फडणवीस नुसती कट कारस्थानं करुन राज्य चालवता येत नाही – संजय राऊत

“खरे अग्निवीर समोर बसले आहेत. तुम्ही कोणाची भरती करणार आहात. सैन्यामध्ये आता कंत्राटी पद्धतीने भरती करण्यात येणार आहे. जगाच्या पाठीवर असा मूर्ख निर्णय कोणत्याही राज्यकर्त्याने घेतला नाही. मोहम्मद तुघलकानेही कंत्राटी पद्धतीने सैन्य भरती करण्याचा निर्णय घेतला नसता. देशाचे रक्षण कोणी करायचे हे ज्यांना कळत नाहीत त्यांच्या हातात देशाची सूत्रे आहेत. ठेकेदारी पद्धतीने गुलाम नेमले जातात देशाचे सैन्य नाही. म्हणून मोदी सरकारच्या निर्णयामुळे अराजक निर्माण झाले आहे. महाराष्ट्र शांत आहे कारण सूत्रं उद्धव ठाकरे यांच्याकडे आहेत,” असे संजय राऊत म्हणाले.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

“भाजपचा आरक्षण संपविण्याचा मोठा डाव”, कोणी केला हा गंभीर आरोप ?

“पंतप्रधान मोदी यांची महाराष्ट्राला सावत्र वागणूक,” संजय सिंह यांचा आरोप

संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका

फोडाफोडीच्या राजकारणामुळे फडणवीसांची विश्वसनीयता कमी; सुप्रिया सुळे

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

लोकमानस: धोरणांचा प्रचार झालाच नाही

“काही दिवसांपूर्वी मी एक वक्तव्य केलं होतं की श्रीलंकेत जी परिस्थिती निर्माण झाली ती इथेही निर्माण होऊ शकते. त्यावेळी माझ्यावर भाजपाने बरीच टीका केली. पण आता एक महिन्याने देशातील तरुण वर्ग, बेरोजगार रस्त्यावर उतरल आहे.. जे आंदोलन सुरु आहे ते रोखण्यासाठी बिहारमध्ये सैन्य बोलवावं लागलं आहे. याला राज्य करणे म्हणत नाही. राज्य कसं करायचे पाहायचे असेल तर महाराष्ट्रात या. मिस्टर फडणवीस नुसती कट कारस्थानं करुन राज्य चालवता येणार नाही. हे राज्य सर्वांना एकत्र घेऊन चालवावे लागेल आणि ती क्षमता फक्त उद्धव ठाकरेंकडे आहे. शिवसेनेचा ५६ वर्षांचा इतिहास हा महाराष्ट्राच्या राजकारणातील धगधगता इतिहास आहे. ५६ वर्षानंतर न्यायाच्या लढाईमध्ये कोणी पुढे असेल तर ती फक्त शिवसेना आहे,” असेही संजय राऊत म्हणाले.

आज जे टिरटिर करत आहेत राणा, फाणा लोक ते एक वेळ अशी येईल की शिवसेनेच्या पायाशी येतील. अंगावर आलात तर फक्त शिंगावर घेणार नाही तुडवले जाल असाही टोला संजय राऊत यांनी विरोधकांना लगावला आहे.

हिंदुत्वाचा बाप कोणी असेल तर ते बाळासाहेब ठाकरे आहेत – संजय राऊत

“५६ वर्षापूर्वी बाळासाहेब ठाकरे यांनी मुंबईत एक ठिणगी टाकली. त्यातून देशभरात जो वणवा पेटला आहे त्याचा आज वर्धापण दिन आहे. मुख्यमंत्री उद्धव ठाकरे यांनी बाळासाहेबांना पुष्पहार अर्पण केल्यानंतर आदित्य ठाकरेंनी त्यांना आज पितृदिन असल्याचे सांगितले. बाळासाहेब ठाकरे नेहमी म्हणायचे या देशाला बाप नाही. पण आज मी सांगू इच्छितो की हिंदुत्वाचा बाप कोणी असेल तर ते बाळासाहेब ठाकरे आहेत. जगभरात ज्याच्या मनात हिंदुत्व आहे तो बाळासाहेबांना बापच मानतो आणि बाप एकच असतो. आदित्य ठाकरेंच्या अयोध्या दौऱ्यावरुन हिंदुत्वाचे बाप असल्याचे दिसून आले. त्यामुळे शिवसेनेचे हिंदुत्व काय आहे, कसे आहे आणि कोणत्या दिशेने चालले आहे त्याचे कोणाकडून मार्गदर्शन घेण्याची गरज नाही,” असे संजय राऊत म्हणाले.