“राज ठाकरेंची खंत फक्त मलाच माहिती”, अमित शाहांच्या भेटीवर संजय राऊतांची खोचक टिप्पणी; ‘त्या’ व्हिडीओचा केला उल्लेख

संजय राऊत म्हणाले, राज ठाकरे हे एक उत्तम व्यंगचित्रकार आणि उत्तम कलाकार आहेत. मी त्यांच्याबरोबर अनेक वर्षे काम केलं आहे. त्यांच्या मनातल्या संवेदना, खंत इतर कुठल्याही व्यक्तीपेक्षा मला जास्त माहिती आहे. या देशाचं स्वातंत्र्य आणि प्रजासत्ताक मोदी-शाहांच्या हातून फासावर लटकवलं जात असल्याचं व्यंगचित्र राज ठाकरे यांनी काढलं होतं. मला ते खूप आवडलं होतं. मी यात राजाकारण पाहत नाही. महाराष्ट्रातील जनतेची भावना राज ठाकरे यांच्या व्यंगचित्रातून पाहायला मिळाली होती. काल राज ठाकरे यांनी अमित शाह यांची भेट घेतली. त्या भेटीत राज ठाकरे यांनी नक्कीच तिथे यावर चर्चा केली असेल.

आणखी वाचा

Kumar Vishwas : “निर्लज्ज, आत्मकेंद्री आणि स्वार्थी माणसाबाबत..”, कुमार विश्वास यांचा केजरीवालांना टोला

Delhi Assembly Election: पराभव ‘आप’चा, धक्का उद्धव ठाकरे…

कोल्हापुरात ठाकरे गटात जिल्हाप्रमुख नियुक्तीवरून कुरघोडीचे राजकारण

“अजित पवारांना आता मुख्यमंत्री व्हायचं नाही, कारण…”, संजय राऊतांची स्तुतीसुमने; नेमकं काय म्हणाले?

सरकार कोणाचेही असो, बोलले पाहिजे! मनसे अध्यक्ष राज ठाकरे यांचे साहित्यिकांना आवाहन

Raj Thackeray : “अभिनेत्यांना पुरस्कार मिळतो, पण आमच्या वाट्याला फक्त…”, राज ठाकरेंची तुफान फटकेबाजी

“तू जमिनीवरचा देव दावला…”, सचिन तेंडुलकरच्या भेटीनंतर संकर्षण कऱ्हाडे भारावून गेला; पोस्ट लिहित म्हणाला, “पाच मिनिटं…”

अहिल्यानगरमध्ये ठाकरे गटाला गळती, अस्तित्वाचा प्रश्न

हे ही वाचा >> “राज ठाकरेंची खंत फक्त मलाच माहिती”, अमित शाहांच्या भेटीवर संजय राऊतांची खोचक टिप्पणी; ‘त्या’ व्हिडीओचा केला उल्लेख

ठाकरे गटातील खासदार संजय राऊत म्हणाले, आपण अनेकदा पुलवामा हत्याकांडासंदर्भात बोलतो, विचार करतो, त्याबाबत आपली खदखद व्यक्त करतो. राज ठाकरे यांनी एका भाषणात पुलवामा हत्याकांडामागचं रहस्य उघड केलं होतं. राज ठाकरे म्हणाले होते की, पुलवामा हत्याकांडाच्या आधी भारताचे राष्ट्रीय सुरक्षा सल्लागार अजित डोवाल आणि पाकिस्तानचे राष्ट्रीय सुरक्षा सल्लागार या दोघांची बँकॉक येथे गुप्त भेट झाली होती. त्या भेटीनंतर पुलवामा हत्याकांड घडलं का? असा प्रश्न राज ठाकरेंना पडला होता. राज ठाकरे यांच्या त्या वक्तव्याचा व्हिडीओ माझ्याकडे आहे. मला वाटतं की कालच्या भेटीनंतर राज ठाकरे यांना त्यांच्या पुलवामाबाबतच्या प्रश्नाचं उत्तर अमित शाह यांनी दिलं असेल.