“अजित पवारांनी ‘ती’ यादी लवकरच जाहीर करावी”, संजय राऊतांचं विधान; म्हणाले, “आमच्याकडेही…!”

मुंबईतील ‘त्या’ घटनेचा राऊतांनी केला उल्लेख

ठाकरे गटाचे खासदार संजय राऊत यांनी आज सकाळी घेतलेल्या पत्रकार परिषदेत मुंबईत घडलेल्या एका घटनेचा उल्लेख केला. मुंबईत दोन दिवसांपूर्वी धावत्या लोकल ट्रेनमध्ये एका २० वर्षांच्या युवतीशी ४० वर्षांच्या करीम शेखनामक विकृतानं गैरवर्तन केल्यामुळे मुंबईत खळबळ उडाली. पोलिसांनी या विकृताला अटक केली आहे. मात्र, या प्रकरणावर बोलताना अजित पवारांनी सरकारवर परखड टीका केल्यानंतर त्याला दुजोरा देत संजय राऊतांनी सरकारला सवाल केले आहेत.

आणखी वाचा

प्रदुषणाच्या मुद्द्यावरून मुख्यमंत्री भगवंत मान यांचा पंतप्रधान मोदींना टोला; म्हणाले, “ते युक्रेनचं युद्ध थांबवू शकतात, मग…”

Sanju Samson : मी फायनल खेळणार होतो पण…

स्थगिती नसल्यानेच आमदारांच्या नियुक्त्या; राज्य सरकारची उच्च न्यायालयात भूमिका

स्थगिती नसल्यानेच सात आमदारांच्या नियुक्त्या, राज्य सरकारची उच्च न्यायालयात भूमिका

बाबा सिद्दीकींच्या हत्येनंतर शरद पवारांनी केली देवेंद्र फडणवीसांच्या राजीनाम्याची मागणी; म्हणाले, “गृहमंत्री एवढ्या सौम्यतेने…”

Baba Siddique Shot Dead : बाबा सिद्दीकींच्या हत्येनंतर मुख्यमंत्री एकनाथ शिंदेंची पहिली प्रतिक्रिया; म्हणाले, “आम्ही कुणालाही…”

Ajit Pawar: अजित पवारांची मंत्रिमंडळ बैठकीतून १० मिनिटांत एक्झिट, विजय वडेट्टीवारांना मात्र भलताच संशय; म्हणाले, “त्यांना बाजूला सारण्याचे…”

“मुख्यमंत्रिपदाचा उमेदवार जाहीर करावा”; ‘मी पुन्हा येईन’ असे म्हटलेले नाही, उद्धव ठाकरे यांचा पुनरुच्चार

“…यावर कुणी मूर्खही विश्वास ठेवणार नाही”, संजय राऊतांनी रात्री उशिरा केलं सूचक ट्वीट; म्हणाले, “हे लोक…!”

“राज्याचे गृहमंत्री काय करतायत?”

“अजित पवारांनी परखडपणे सांगितलंय की या सरकारला कायदा आणि सुव्यवस्था याकडे लक्ष द्यायला वेळ नाहीये. परीक्षेला निघालेल्या एका मुलीवर ट्रेनमध्ये असे अत्याचार होत असतील, तर ज्यांच्यावर या सगळ्यांच्या रक्षणाची जबाबदारी आहे, ते राज्याचे गृहमंत्री काय करतायत? कुठे आहेत पोलीस? की पोलीस फक्त ४० गद्दार बेईमान आमदारांच्या संरक्षणासाठीच ठेवलेले आहेत?” असा सवाल संजय राऊतांनी केला आहे.

“…तर मग महिलांचं, जनतेचं रक्षण कुणी करायचं?”

“अजित पवारांनी जाहीर केल्याप्रमाणे, ठाण्यात १००हून जास्त असे लोक आहेत ज्यांनी फक्त मिंधे गटात प्रवेश केला म्हणून त्यांच्या रक्षणासाठी किमान एक हजार पोलीस लावले आहेत. कुणाची भीती वाटतेय तुम्हाला? अजित पवारांनी ही यादी लवकरच जाहीर करावी. आम्हीही या यादीची वाट पाहात आहोत. आमच्याकडेही तीच माहिती आहे. फक्त ठाण्यात एक हजाराच्या आसपास पोलीस शिंदेंचे नातेवाई, त्यांच्याबरोबर फुटून गेलेल्या लोकांच्या रक्षणासाठी ठेवले असतील, तर जनतेचं, महिलांचं रक्षण कुणी करायचं हा साधा प्रश्न आहे”, असंही संजय राऊत म्हणाले.

“पाडापाडी आणि जिरवाजिरवीच्या खेळामुळे राष्ट्रवादीचं नुकसान, आता यापुढे…”, अजित पवारांचा कार्यकर्त्यांना इशारा

“विरोधी पक्षनेत्यांनी उचललेल्या प्रश्नावरून महाराष्ट्रात रान उठवायला पाहिजे. मुंबईत धावत्या लोकलमध्ये अत्याचार होत असतील तर सुरक्षित कोण आहे? फक्त मुख्यमंत्री-उपमुख्यमंत्री आणि त्यांचे मूठभर नातेवाईक? त्यांना कोण एवढा हात लावतंय? पोलीस महिलांच्या रक्षणासाठी, जनतेसाठी ठेवा ना”, असं संजय राऊतांनी यावेळी बोलताना सांगितलं.