शिवसेना, राष्ट्रवादी काँग्रेसनंतर आता काँग्रेसला गळती लागली असून अनेक नेत्यांची भाजपा किंवा त्यांच्या मित्रपक्षांत सहभागी होण्यासाठी रीघ लागलेली दिसत आहे. अनेक पिढ्यांपासून काँग्रेसचे विचार रुजलेले नेतेही भाजपा आणि भाजपाच्या सहकारी पक्षात प्रवेश करत आहेत. पुढील काही दिवसांत महाराष्ट्रात मोठे राजकीय हादरे बसणार असून काँग्रेससह अन्य पक्षांतील अनेक नेते भाजपाबरोबर येणार असल्याचा दावा भाजपा प्रदेशाध्यक्ष चंद्रशेखर बावनकुळे आणि शिवसेनेच्या शिंदे गटातील नेत्यांनी केला आहे.
दरम्यान, कळमनुरीचे आमदार संतोष बांगर यांनी या राजकीय उलथापालथीवर भाष्य केलं आहे. बांगर यांनी काही वेळापूर्वी हिंगोली येथे प्रसारमाध्यमांशी संवाद साधला. यावेळी ते म्हणाले, अशोक चव्हाण यांची शिवसेना भाजपाप्रवेशाच्या दिशेने वाटचाल चालू आहे. येत्या दोन तीन दिवसांत त्यांचा पक्षप्रवेश होणार आहे. त्यांच्याबरोबर लातूरचे दिग्गज नेते, नांदेड, अमरावती आणि चंद्रपूरचे दिग्गज नेते शिवसेना आणि भाजपात प्रवेश करणार आहेत. त्यापैकी एक नाव आज निश्चित झालं आहे. त्यांचा पक्षप्रवेश निश्चित झाला आहे.
आमदार संतोष बांगर म्हणाले, येत्या आठ दिवसांत राज्याच्या राजकारणात एवढा मोठा स्फोट होईल की, मला तरी वाटतंय काँग्रेस अस्तित्वातच राहणार नाही. आमचे खासदार हेमंत पाटील पुन्हा एकदा २०२४ च्या निवडणुकीत हिंगोली लोकसभेवर शिवसेनेचा भगवा फडकवतील. तुम्ही पाहिलं असेल की शिवसेना-भाजपात सातत्याने इनकमिंग चालू आहे. तसेच तिकडे काँग्रेस, उबाठा, शरद पवार गटातून आऊटगोइंग चालू आहे. त्यांच्यावर कशी वेळ आली आहे बघा.
कळमनुरीचे आमदार म्हणाले, महाविकास आघाडीत जे लोक राहिलेत त्या सगळ्यांना, प्रामुख्याने तिकडच्या कार्यकर्त्यांना माझी विनंती आहे की, त्यांनीदेखील इकडे या, २०२४ च्या लोकसभा-विधानसभा निवडणुकीत इमानेइतबारे काम करा. पुढच्या वेळी तुम्हाला जिल्हा परिषदेवर, पंचायत समिती आणि नगर परिषदांवर जाण्याची संधी देऊ.
हे ही वाचा >> “…म्हणून मी राजीनामा दिला”, अशोक चव्हाणांनी सांगितलं काँग्रेस सोडण्याचा निर्णय कधी आणि का घेतला?
काँग्रेसला गळती
भाजपाने आगामी लोकसभा निवडणुकीत प्रत्येक मतदारसंघ जिंकण्यासाठी अन्य पक्षातील कोणत्या नेत्यांचा उपयोग होईल, यादृष्टीने नियोजन केलं आहे. संबंधित नेत्याने भाजपमध्ये प्रवेश करायचा की सहकारी पक्षात, याबाबतचे धोरणही बहुतांश प्रकरणांमध्ये भाजपाच ठरवीत आहे. काँग्रेसचे माजी खासदार मिलींद देवरा यांनी नुकताच मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला. त्यांचे वडील मुरली देवरा हे ज्येष्ठ काँग्रेस नेते होते आणि दीर्घकाळ केंद्रीय मंत्री होते. गांधी घराण्याशी त्यांचे घनिष्ठ संबंध होते. मिलींद देवरा यांचेही ज्येष्ठ नेते राहुल गांधींसह काँग्रेस पक्षश्रेष्ठींशी चांगले संबंध होते. पण राजकीय भवितव्याच्या दृष्टीने देवरा हे भाजपबरोबर सत्तेत असलेल्या शिंदे गटात सामील झाले. देवरा यांच्यापाठोपाठ काँग्रेस नेते बाबा सिद्दीकी यांनीदेखील नुकताच अजित पवार यांच्या राष्ट्रवादी काँग्रेसमध्ये प्रवेश केला आहे.
दरम्यान, कळमनुरीचे आमदार संतोष बांगर यांनी या राजकीय उलथापालथीवर भाष्य केलं आहे. बांगर यांनी काही वेळापूर्वी हिंगोली येथे प्रसारमाध्यमांशी संवाद साधला. यावेळी ते म्हणाले, अशोक चव्हाण यांची शिवसेना भाजपाप्रवेशाच्या दिशेने वाटचाल चालू आहे. येत्या दोन तीन दिवसांत त्यांचा पक्षप्रवेश होणार आहे. त्यांच्याबरोबर लातूरचे दिग्गज नेते, नांदेड, अमरावती आणि चंद्रपूरचे दिग्गज नेते शिवसेना आणि भाजपात प्रवेश करणार आहेत. त्यापैकी एक नाव आज निश्चित झालं आहे. त्यांचा पक्षप्रवेश निश्चित झाला आहे.
आमदार संतोष बांगर म्हणाले, येत्या आठ दिवसांत राज्याच्या राजकारणात एवढा मोठा स्फोट होईल की, मला तरी वाटतंय काँग्रेस अस्तित्वातच राहणार नाही. आमचे खासदार हेमंत पाटील पुन्हा एकदा २०२४ च्या निवडणुकीत हिंगोली लोकसभेवर शिवसेनेचा भगवा फडकवतील. तुम्ही पाहिलं असेल की शिवसेना-भाजपात सातत्याने इनकमिंग चालू आहे. तसेच तिकडे काँग्रेस, उबाठा, शरद पवार गटातून आऊटगोइंग चालू आहे. त्यांच्यावर कशी वेळ आली आहे बघा.
कळमनुरीचे आमदार म्हणाले, महाविकास आघाडीत जे लोक राहिलेत त्या सगळ्यांना, प्रामुख्याने तिकडच्या कार्यकर्त्यांना माझी विनंती आहे की, त्यांनीदेखील इकडे या, २०२४ च्या लोकसभा-विधानसभा निवडणुकीत इमानेइतबारे काम करा. पुढच्या वेळी तुम्हाला जिल्हा परिषदेवर, पंचायत समिती आणि नगर परिषदांवर जाण्याची संधी देऊ.
हे ही वाचा >> “…म्हणून मी राजीनामा दिला”, अशोक चव्हाणांनी सांगितलं काँग्रेस सोडण्याचा निर्णय कधी आणि का घेतला?
काँग्रेसला गळती
भाजपाने आगामी लोकसभा निवडणुकीत प्रत्येक मतदारसंघ जिंकण्यासाठी अन्य पक्षातील कोणत्या नेत्यांचा उपयोग होईल, यादृष्टीने नियोजन केलं आहे. संबंधित नेत्याने भाजपमध्ये प्रवेश करायचा की सहकारी पक्षात, याबाबतचे धोरणही बहुतांश प्रकरणांमध्ये भाजपाच ठरवीत आहे. काँग्रेसचे माजी खासदार मिलींद देवरा यांनी नुकताच मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला. त्यांचे वडील मुरली देवरा हे ज्येष्ठ काँग्रेस नेते होते आणि दीर्घकाळ केंद्रीय मंत्री होते. गांधी घराण्याशी त्यांचे घनिष्ठ संबंध होते. मिलींद देवरा यांचेही ज्येष्ठ नेते राहुल गांधींसह काँग्रेस पक्षश्रेष्ठींशी चांगले संबंध होते. पण राजकीय भवितव्याच्या दृष्टीने देवरा हे भाजपबरोबर सत्तेत असलेल्या शिंदे गटात सामील झाले. देवरा यांच्यापाठोपाठ काँग्रेस नेते बाबा सिद्दीकी यांनीदेखील नुकताच अजित पवार यांच्या राष्ट्रवादी काँग्रेसमध्ये प्रवेश केला आहे.
