Sarangi Mahajan : सारंगी महाजन यांचा आरोप; “धनंजय आणि पंकजा मुंडे या दोघांनी माझी जमीन लाटली, आणि..”

काय म्हणाल्या सारंगी महाजन?

प्रवीण महाजन यांच्या नावे असलेली बीड जिल्ह्यातील परळी तालुक्यामधील मौजे जिरेवाडी येथील गट नंबर २४० मधील करोडो रुपये किमतीची ३६.५० आर जमीन धनंजय मुंडे आणि पंकजा मुंडे यांनी जबरदस्तीने घेतली असल्याचं सारंगी महाजन ( Sarangi Mahajan ) यांनी म्हटलं आहे. छत्रपती संभाजीनगर येथील पत्रकार परिषदेत त्यांनी हे आरोप केले आहेत. सारंगी महाजन यांच्या या आरोपांमुळे राजकीय वर्तुळात एकच खळबळ उडाली आहे. यावर आता धनंजय मुंडे आणि पंकजा मुंडे काय उत्तर देणार, याकडे सर्वांच्या नजरा लागल्या आहेत.

आणखी वाचा

जितेंद्र जोशीने चोरलेला ‘या’ दिग्गज बॉलीवूड अभिनेत्याचा फोटो; म्हणाला, “त्यानंतर जो मार खाल्ला…”

Madhurima Raje : सतेज पाटील ज्यांच्यामुळे ढसाढसा रडले…

मनोज जरांगेंची विधानसभा निवडणुकीतून माघार; छगन भुजबळ म्हणाले, “हा निर्णय म्हणजे…”

“तेव्हा मी त्यांची लाडकी बहीण होती, पण आता…”; ‘त्या’ विधानावरून शायना एनसींचं अरविंद सावतांवर टीकास्र!

CM Eknath Shinde : अरविंद सावंत यांच्या ‘त्या’ विधानावर मुख्यमंत्री एकनाथ शिंदे यांची प्रतिक्रिया; म्हणाले, “राजकारणापायी…”

Zeeshan Siddique : “मविआने मला शब्द दिला होता आणि उद्धव ठाकरेंनी..”; झिशान सिद्दिकी काय म्हणाले?

Nawab Malik : नवाब मलिकांचा भाजपा नेत्यांना इशारा; म्हणाले, “दाऊदशी संबंध जोडणाऱ्यांविरोधात…”

पतीने चित्रपटासाठी इंटिमेट सीनचे शूटिंग केल्यावर नीलम कोठारी झालेली नाराज; अभिनेता म्हणाला, “तिला एका मैत्रिणीने…”

मला परळीच्या अनुसूया हॉटेलमध्ये बोलवून घेतलं गेलं आणि..

परळीत माझी ६३.५० आर जमीन होती, ३६ आर. जमीन फ्रॉड करुन विकली. मला परळीच्या अनुसूया हॉटेलमध्ये बोलावून घेतले. मला तिथून रजिस्ट्रार ऑफिसला नेले. तिकडे माझ्याकडून सही करुन घेण्यात आली. कोणी जमीन घेतली, हे आम्हाला माहिती नाही. तिकडून आम्हाला गोविंद बालाजी मुंडेने घरी नेले, जेवू घातले. त्यानंतर ब्लँक पेपरवर सह्या घेतल्या. त्याला मी विरोध केला असता त्याने म्हटले की, सही केल्याशिवाय धनुभाऊ तुम्हाला परळी सोडून देणार नाहीत, अशी धमकी दिल्याचे सारंगी महाजन यांनी सांगितले. गोविंद बालाजी मुंडे याने आम्हाला ठाण्यातील घरी आणून सोडले. त्यानंतर आमच्याकडून त्याने एक लाख रुपये घेतले, असेही सारंगी महाजन ( Sarangi Mahajan ) यांनी सांगितले

निवडणुकीच्या तोंडावर झाले आरोप

धनंजय मुंडे हे परळी विधानसभा मतदारसंघातून निवडणूक लढवत आहेत. मराठवाड्यातील मराठा विरुद्ध ओबीसी संघर्षामुळे परळी विधानसभेची लढाई अटीतटीची होण्याची शक्यता आहे. या निवडणुकीच्या तोंडावर सारंगी महाजन ( Sarangi Mahajan ) यांनी धनंजय मुंडे आणि पंकजा मुंडे यांच्यावर गंभीर आरोप करत एकच खळबळ उडवून दिली आहे. आता यावर धनंजय मुंडे किंवा पंकजा मुंडे काही प्रतिक्रिया देणार का? हे पाहणं महत्त्वाचं असणार आहे.

हे पण वाचा- Dhananjay Munde : “माझा राजकीय अस्त करण्याची व्यूहरचना…”; धनंजय मुंडेंच्या विधानाचा रोख कुणाकडे?

पंकजा आणि धनंजय मुंडेंनी दहशत पसरवली आहे

मी एवढंच सांगते आहे की मी न्यायालयाच्या चकरा मारते आहे. मी पोलीस स्टेशनला गेले होते. तक्रार केली होती. पण पोलिसांनी कुठलीही कारवाई केलेली नाही. आता मी पोलीस अधीक्षकांना भेटणार आहे त्यांनी जर कारवाई केली नाही तर मी न्यायालयात दावा करणार आहे. पंकजा मुंडे आणि धनंजय मुंडे हे दोघं बहीण भाऊ आणि त्यांचे चमचे यांनी मला त्रास दिला आणि मला किंवा माझ्या मुलांना काही झालं तर हे दोघंच जबाबदार असतील. पूर्णपणे दहशत या दोघांनीही माजवली आहे. मी दोन वर्षे फॉलोअप घेतला आहे. त्यातून मला या सगळ्या गोष्टी समजवल्या आहेत. आता मी कोर्टात दाद मागण्याचा निर्णय घेतला आहे असंही सारंगी महाजन म्हणाल्या आहेत. मी राजकीय हेतूने वगैरे काहीही आरोप केलेले नाहीत. मी राजकारणात नाही, आत्ताही माझा राजकारण करत नाही असंही सारंगी महाजन ( Sarangi Mahajan ) म्हणाल्या आहेत. पंकजा आणि धनंजय हे दोघं बहीण भाऊ यांना सगळं आयतं मिळालं आहे. गोपीनाथ मुंडेंचं राजकारण यांच्यापेक्षा कैक पटीने चांगली होतं असंही सारंगी महाजन म्हणाल्या.