कोळशामुळे ‘आनंदवन’वर जप्तीची कारवाई शक्य!; डॉ. विकास आमटे यांची चिंता

आनंदवन मित्र मंडळ, महाराष्ट्र व डॉ. विकास बाबा आमटे अमृत महोत्सव सत्कार समितीच्या वतीने महारोगी सेवा समिती, वरोरा व आनंदवनचे सचिव डॉ. विकास आमटे यांचा अमृतमहोत्सवी सत्कार मुख्यमंत्री सभागृहात पार पडला. सत्काराला उत्तर देताना डॉ. विकास आमटे बोलत होते. या वेळी मंचावर निवृत्त न्यायमूर्ती डॉ. विकास सिरपूरकर, डॉ. भारती आमटे, डॉ. प्रकाश बाबा आमटे, डॉ. मंदाकिनी प्रकाश आमटे, नेत्रतज्ज्ञ डॉ. तात्याराव लहाने, दगडू लोमटे, नरेंद्र मेस्त्री उपस्थित होते.

आणखी वाचा

राज्यात ‘गुइलेन बॅरे सिंड्रोम’च्या रुग्णांमध्ये वाढ कशी? धोका किती? उपचार महागडा का?

Economic Survey: आर्थिक सर्वेक्षण अहवाल सांगतोय २०२५ हे…

बुलढाणा : ७१ लाखांचे अवैध बायोडिझेल टँकरसह जप्त! मुंबईच्या पथकाची ‘हाय-वे’वर कारवाई

Saif Ali Khan : सैफला उपचारांसाठी ४ तासांत २५ लाखांची मंजुरी कशी मिळाली? विमा कंपनीच्या तत्परतेमुळे चर्चांना उधाण; AMC कडून तक्रार

तब्बल पाच तास आठही मृतदेह एकाच जागी; जवाहरनगर आयुध निर्माण कारखान्यासमोर….

सिद्धार्थ रुग्णालयातील आरोग्य सुविधा जानेवारी २०२६ पर्यंत सुरू करा, मुंबई महानगरपालिका आयुक्तांचे निर्देश

मुंबई : नायर रुग्णालयातील रोजंदारी कर्मचारी तीन महिने वेतनापासून वंचित, ७४ कर्मचाऱ्यांवर उपासमारीची वेळ

वृद्धापकाळातील आरोग्य सेवा गतिमान करणार! वर्षभरात साडेदहा लाख वृद्धांवर उपचार…

अमृतमहोत्सवी सत्काराला उत्तर देताना डॉ. विकास आमटे यांनी बाबा आमटे व आनंदवनचा संपूर्ण जीवनपट उलगडला. आनंदवनात २६ देशांतील लोक तीन महिने वास्तव्य करायचे, बाबा आमटेंच्या हातातून सेवेचा सुगंध यायचा. मात्र, आनंदवन जगातील सर्वात वाईट ठिकाण आहे, असे बाबा सातत्याने म्हणायचे. त्याचे कारण, येथे समाजातील वाळीत टाकलेल्या लोकांचे वास्तव्य. कुष्ठरुग्णांना रक्त घेता येत नाही, रक्त देता येत नाही, सोडचिठ्ठी तत्काळ मिळते. सव्वा कोटी कुष्ठरुग्णांना आधार कार्ड नाही. आनंदवन बाहेरून चांगले दिसत असले तरी कुष्ठरुग्णांचे दु:ख आम्हीच जाणतो. दु:खाला जात-पात, धर्म नाही. आनंदवन, बाबा आमटे यांच्यावर ‘ढोंगी’ म्हणून टीका झाली. मात्र, देश व जागतिक स्तरावर कौतुकही झाले, असे डॉ. विकास आमटे यांनी सांगितले. या वेळी मान्यवरांच्या हस्ते डॉ. विकास आमटे गौरव ग्रंथाचे प्रकाशन करण्यात आले.