संतापजनक! “शरीरातील काकाचं भूत काढतो” सांगत स्वयंघोषित बाबाचा अल्पवयीन मुलीवर बलात्कार

तक्रारदार पीडित मुलीने पोलिसांना सांगितलेल्या माहितीनुसार, तिच्या मानेला तीव्र वेदना होत होत्या आणि त्यावेळी या आरोपीने (स्वयंघोषित बाबाने) असं सांगितलं की, तिच्या मृत काकाचं भूत तिच्या शरीरात आहे. त्याचप्रमाणे, ह्यातून बरं होण्यासाठी आपण या मुलीला मदत करू शकतो असा दावाही या बाबाने केला. हेच आमिष दाखवून तो बाबा पीडित मुलीला जंगलात घेऊन गेला आणि तिच्यावर बलात्कार केला. धक्कादायक म्हणजे, यावेळी या मुलीला जंगलात घेऊन जाण्यासाठी तिची आई आणि तिच्या ओळखीचा युवक देखील होते.

भारतीय दंड संहिता, लैंगिक अपराधांपासून मुलांचे संरक्षण कायदा आणि महाराष्ट्र मानवी बलिदान निर्मूलन आणि इतर अमानुष, वाईट आणि अघोरी प्रथा तसेच काळी जादू प्रतिबंध कायद्याच्या कलमांनुसार या सर्वांवर गुन्हा दाखल करण्यात आला आहे.