Shaina NC : अरविंद सावंत यांची जीभ घसरली; अपशब्द वापरल्याने शायना एन. सी. संतापल्या, म्हणाल्या, “महिलेला…”

अरविंद सावंत काय म्हणाले?

मुंबादेवी मतदारसंघातून काँग्रेसच्या अमिन पटेल यांना उमेदवारी देण्यात आली आहे. त्यांचा प्रचार करण्याकरता अरविंद सावंत २९ ऑक्टोबर रोजी त्यांच्या मतदारसंघात गेले होते. शायना एन. सी याआधी वरळी विधानसभा मतदारसंघातून निवडणूक लढण्यास इच्छूक होत्या. परंतु, त्यांना मुंबादेवी मतदारसंघातून उमेदवारी देण्यात आली. याबाबत बोलताना अरविंद सावंत म्हणाले, “त्यांची अवस्था पहा. त्या आयुष्यभर भाजपात राहिल्या आणि आता शिवसेना (एकनाथ शिंदे) पक्षात आल्या. पण इथे इम्पोर्टेड चालत नाही. आमच्या इथे ओरिजनल माल चालतो.”

नक्की वाचा

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Gopal Shetty: अर्ज मागे घेण्यासाठी ईडीची चौकशी लागणार? गोपाळ शेट्टी यांनी देवेंद्र फडणवीसांबद्दल म्हटले…

Shrinivas Vanga: ‘आधी रडले, ठाकरेंना देव म्हणाले’, घरी परतल्यावर आमदार श्रीनिवास वनगांचे सूर बदलले; म्हणाले, “एकनाथ शिंदे…”

Karuna Sharma : उमेदवारी अर्ज बाद ठरल्याने ढसाढसा रडल्या करुणा शर्मा, धनंजय मुंडेंना म्हणाल्या, “तू राक्षस…”

Sada Sarvankar : “आपलं अंगण सोडून दुसऱ्याच्या…”, सदा सरवणकरांच्या ‘त्या’ पोस्टवरून ठाकरेंच्या शिवसेनेचा चिमटा

Sada Sarvankar : “मला निवडणूक लढवावीच लागेल”, सदा सरवणकर हतबल; म्हणाले, “राज ठाकरेंनी माझी…”

Manoj Jarange Patil : मनोज जरांगे आता दिल्ली हादरवणार? मुस्लीम, बौद्ध धर्मगुरुंची साथ? रणनिती तयार, हिंदीचा अडथळाही दूर

#WATCH | Mumbai | Shiv Sena (UBT) leader Arvind Sawant says, "Today, from Gandhi ji to Shivaji, everyone has come together here…They (BJP) are still playing with the Constitution. Maharashtra is being looted today…Amin Patel will win with even greater numbers than before…" pic.twitter.com/2URhpPOhAU

— ANI (@ANI) October 29, 2024

शायना एन. सी. यांचं प्रत्युत्तर काय?

इम्पोर्टेड आणि ओरिजनल माल शब्द वापरल्याने शायना एन. सी यांनी संताप व्यक्त केला आहे. आज त्यांनी महाराष्ट्र नवनिर्माण सेनेचे अध्यक्ष राज ठाकरे यांची भेट घेतली. या भेटीनंतर त्यांनी माध्यमांशी संवाद साधला. यावेळी त्यांनी अरविंद सावंत यांच्यावर वक्तव्याचा निषेध केला. यावेळी त्यांनी अरविंद सावंत यांच्या वक्तव्याची क्लिपही माध्यमांना ऐकवून दाखवली. त्या म्हणाल्या, “त्यांच्या पक्षाची विचारधारा यामुळे स्पष्ट होतेय. ते एका महिलेला माल म्हणतात. मी त्यांना विचारू इच्छिते की मुंबादेवीची प्रत्येक महिला माल आहे का? २०१९, २०१४ ला ते मोदींचं नाव लावून जिंकून आले आहेत. त्यांची सुरुवात तिथून झाली. आज २०२४ च्या निवडणुकीत ते मला माल म्हणतात. त्यांची मनस्थिती यामुळे स्पष्ट होते. त्यांच्या पक्षाचे नेतृत्त्व का गप्प आहेत? उद्धव ठाकरे, शरद पवार, नाना पटोले यांनी आता बोललं पाहिजे”, असं त्या म्हणाल्या. त्या पुढे असंही म्हणाल्या की, “मी याबाबत कायदेशीर पाऊल उचलेन किंवा नाही. पण एका महिलेला माल म्हणणाऱ्यांचे जनता नक्की हाल करेल.”

महिला हूँ, माल नहीं #MahilaHoonMaalNahi

— Shaina Chudasama Munot (@ShainaNC) November 1, 2024

पीटीआयला दिलेल्या मुलाखतीत त्या म्हणाल्या, “हे तेच अरविंद सावंत आहेत ज्यांच्यासाठी आम्ही २०१४, २०१९ मध्ये प्रचार केला. लाडक्या बहिणीप्रमाणे प्रचार केला. आता पाहा त्यांची मनस्थिती, विचार पाहा. ते जेव्हा म्हणतात ही महिला माल आहे. मालचा अर्थ आयटम. या शब्दाचा वापर तुम्ही केला माल, हेच मतदार तुम्हाला बेहाल करणार. सक्षम महिलेचा सन्मान करू शकत नाही, अपशब्द वापरले जातात.”

VIDEO | Maharashtra elections 2024: "This is the same Arvind Sawant for whom we had campaigned in 2014 and 2019. Look at his thinking when he calls a woman 'maal' (item). I would like to tell him that this same voter will make him 'behaal' in the elections," says Shiv Sena… pic.twitter.com/teVW2zPCro

— Press Trust of India (@PTI_News) November 1, 2024

दरम्यान, विधानसभा निवडणुकीच्या जागा वाटपाच्या चर्चेत शायना एन. सी. या वरळीतून आदित्य ठाकरे यांच्याविरोधात लढतील अशी चर्चा होती. परंतु, ऐन वेळेला तेथील उमेदवार बदलण्यात आला. राज्यसभेचे खासदार मिलिंद देवरा यांना वरळीतील जागा देण्यात आली. तर, शायना एन. सी. यांना मुंबादेवी मतदारसंघातून उमेदवारी देण्यात आली. मुंबदेवी मतदारसंघ शिवेसना (एकनाथ शिंदे) पक्षाकडे गेल्याने शायना एन. सी यांनी भाजपातून शिंदेंच्या शिवसेनेत प्रवेश केला आणि तेथूनच उमेदवारी अर्ज भरला.