“मनोज जरांगेंनी सामंजस्याची भूमिक घ्यावी”, बेमुदत उपोषणावर शंभूराज देसाईंची प्रतिक्रिया; म्हणाले, “सगेसोयऱ्यांबाबत…”

शंभूराज देसाई यांनी आज टीव्ही ९ वृत्तावाहिनीशी संवाद साधला. यावेळी त्यांनी विविध विषयांवर त्यांची भूमिका स्पष्ट केली. यावेळी त्यांना मनोज जरांगे यांच्या उपोषणाबाबतही विचारण्यात आलं. यासंदर्भात बोलताना, मनोज जरांगे यांनी उपोषण न करता, सामंजस्याची भूमिका घ्यावी, अशी प्रतिक्रिया शंभूराज देसाई यांनी दिली.

आणखी वाचा

अन्यथा मते मागायला येणार नाही, असे उपमुख्यमंत्री अजित पवार का म्हणाले !

महायुतीला सत्ता मिळाली, लाडक्या बहिणींना २१०० रुपये कधीपासून…

फडणवीस यांचे संदीप नाईकांना आव्हान, खैरणे एमआयडीसी कार्यालयात पत्रकार परिषद

“शेतकऱ्यांचा सातबारा कोरा करू”, उपमुख्यमंत्री देवेंद्र फडणवीस यांची घोषणा

मुख्यमंत्र्यांच्या वर्षां बंगल्यावरील खानसामा ‘ ईथे ‘ काय करतोय ?

Nitin Gadkari: ‘भाजपाचं पिक वाढलंय, त्यावरही फवारणी करण्याची गरज’, नितीन गडकरींचा इशारा कुणाकडे?

उपमुख्यमंत्री देवेंद्र फडणवीसांच्या विरोधात चक्क ‘क्रेन ऑपरेटर’; खात्यात केवळ दोन हजार रुपये, दीड लाखांवर कर्ज…

हेही वाचा – प्रकाश आंबेडकरांचा मनोज जरांगेंना सल्ला; म्हणाले, “उपोषण करण्यापेक्षा…”

नेमकं काय म्हणाले शंभूराज देसाई?

“गेल्या महिन्यात मनोज जरांगे यांनी जे उपोषण केलं. तेव्हा मी त्यांची भेट घेऊन सविस्तर चर्चा केली होती. तेव्हा त्यांनी तीन मागण्या मांडल्या होत्या. त्यात सगेसोयऱ्यांची अंमलबजावणी, हैदराबाद गॅझेटनुसार प्रमाणपत्रांचे वाटप आणि मराठा आंदोलकांवरील केस मागे घेण्याच्या मागणीचा समावेश होता. त्यांची भेट घेतल्यानंतर मी स्वत: संबंधित अधिकाऱ्यांची बैठक घेतली होती. तसेच सगेसोयऱ्यांच्या ड्राफ्टबाबत माहिती घेतली. त्याचं काम आजही सुरू आहे, हैदराबाद गॅझेटबाबत तेलंगणा सरकारकडे आम्ही कागद पत्रांची मागणी केली आहे. तसेच गुन्हे मागे घेण्याबाबतची कार्यवाही देखील सुरू आहे, त्यामुळे मनोज जरांगे यांच्या मागण्यावर सरकार काम करत आहेत”, अशी प्रतिक्रिया शंभूराज देसाई यांनी दिली.

“मनोज जरांगे यांनी सामस्याची भूमिका घ्यावी”

“मुख्यमंत्री एकनाथ शिंदे यांनी मनोज जरांगे यांना जे आश्वासन दिले आहे. ते सरकार नक्कीच पूर्ण करेन. त्या आश्वासनांपासून सरकार मागे हटलेलं नाही. त्यामुळे मनोज जरांगे यांनी थोडी सामस्याची भूमिका घ्यावी. मराठा आक्षणाचा प्रश्न आपल्याला सोडवायचा आहे. राज्य सरकारने मराठ्यांना आधीच १० टक्के आरक्षण दिले आहे. सरकार आरक्षणाच्याबाबतीत चालढकल करत नसून काम करत आहेत, आम्ही जी आश्वासनं दिले आहेत, ती नक्कीच पूर्ण करू”, असेही ते म्हणाले.

हेही वाचा – Manoj Jarange Patil : ‘लाडकी बहीण योजना सरकारचा डाव’, मनोज जरांगेंचा गंभीर आरोप; म्हणाले, “आता लाडकी मेहुणी..”

मनोज जरांगेंकडून लाडकी बहीण योजनेवर टीका; शंभूराज देसाई म्हणाले..

दरम्यान, मनोज जरांगे यांनी लाडकी बहीण योजनेवर टीका केली होती. याबाबत शंभूराज देसाई यांनी भाष्य केलं. “मनोज जरांगे यांनी सरकारच्या चांगल्या योजनांवर टीका करू नये. मनोज जरांगे आरक्षणासाठी लढा उभा करत आहेत, त्यासाठी आम्ही त्यांच्या बाजुने आहोत. पण सरकारच्या चांगल्या योजनांवर टीका करण्याचे काहीही कारण नाही. सरकारने केवळ घोषणा केलेल्या नाहीत, त्यांची अंमलबजावणीदेखील सुरु केली आहे”, अशी प्रतिक्रिया त्यांनी दिली.