Sharad Pawar : “६ नोव्हेंबरपासून राहुल गांधी, मी आणि उद्धव ठाकरे..”, शरद पवारांचं वक्तव्य

महाराष्ट्राच्या जनतेला दिवाळीच्या शुभेच्छा

दिवाळीच्या निमित्ताने सगळे एकत्र येतात. एकमेकांची सुख, दुःखं सांगतात. मला खात्री आहे महाराष्ट्रातली जनता दीपावलीच्या प्रसंगी समाधान आणि आनंदाने एकत्र येतील. मी सर्वांना दीपावलीच्या शुभेच्छा देतो. जनतेचा आत्मविश्वास वाढो अशा सदिच्छा व्यक्त करतो असं शरद पवार ( Sharad Pawar ) म्हणाले.

हे पण वाचा- Raj Thackeray : “उद्धव ठाकरे आणि शरद पवारांचे पक्ष फुटले, कारण..”, राज ठाकरेंनी नेमकं काय सांगितलं?

आम्ही लवकरच मार्ग काढू, ६ नोव्हेंबरपासून प्रचार

१०-१२ ठिकाणी जे काही थोडेफार मतभेद आहेत ते दूर होतील. जिथे दोन उमेदवारांनी अर्ज भरले आहेत तिथे मार्ग काढला जाईल. ६ नोव्हेंबरपासून मी, राहुल गांधी, उद्धव ठाकरे आणि इतर सगळेच प्रचार सुरु करतो आहोत. महाराष्ट्रातली जनता आम्हाला उत्तम साथ देईल. यानंतर सिंचन घोटाळ्याबाबत शरद पवारांना ( Sharad Pawar ) प्रश्न विचारला असता कशाला आज विचारता ? चांगला दिवस आहे म्हणत त्यांनी बोलणं टाळलं आहे.

महाराष्ट्रातली राजकीय परिस्थिती २०१९ पेक्षा वेगळी

महाराष्ट्रातली राजकीय परिस्थिती २०१९ पेक्षा या निवडणुकीत पूर्णपणे वेगळी आहे. महाराष्ट्रात २०२४ ला युती विरुद्ध आघाडी अशी लढत होती. आता शिवसेना आणि राष्ट्रवादी हे दोन पक्ष फुटले आहेत त्यांचे चार पक्ष तयार झाले आहेत. सध्याची लढत ही महाविकास आघाडी विरुद्ध महायुती अशी आहे. या लढतीत सत्तेतले तीन पक्ष आणि विरोधातले तीन पक्ष असे सहा पक्ष समोरासमोर आहेत. राज ठाकरेंचा मनसे हा पक्ष काय कामगिरी करतो ? वंचित बहुजन आघाडी आणि तिसऱ्या आघाडीची कामगिरी कशी असेल? जरांगे फॅक्टरचा परिणाम कसा होईल ? हे सगळं पाहणं महत्त्वाचं असणार आहे. सगळ्या पक्षांचं जागावाटप जवळपास पूर्ण झालं आहे. मात्र अनेक ठिकाणी समोरासमोर उमेदवार देण्यात आले आहेत. मात्र हा प्रश्न चर्चेने सुटेल असा विश्वास शरद पवार ( Sharad Pawar ) यांनी व्यक्त केला आहे.