शेकापचे माजी आमदार धैर्यशील पाटील भाजपात, देवेंद्र फडणवीस म्हणाले; “त्यांचा निर्णय अत्यंत….”

आपले प्रश्न धडाडीने धैर्यशील पाटील मांडत असत. धैर्यशील पाटील यांनी कायमच समाजाभिमुख राजकारण केलं. तळगाळातील लोकांच्या प्रश्नांसाठी त्यांनी लढा दिला आहे. आज देशाचं नेतृत्त्व नरेंद्र मोदी करत आहेत. त्यांचं नेतृत्त्वही असाच विचार करणारं आहे. त्यामुळे मी हे सांगू इच्छितो की धैर्यशील पाटील यांनी पक्ष बदलला असला तरीही त्यांचा विचार बदललेला नाही. त्यांनी जो निर्णय घेतला त्याबद्दल मी त्यांचं स्वागत करतो असंही देवेंद्र फडणवीस यांनी म्हटलं आहे.

महाराष्ट्रात पुढच्या वर्षी विधानसभा निवडणुका होमार आहेत. त्याआधी महाविकास आघाडीला जितकं कमकुवत करता येईल तितकं करण्याचा प्रयत्न भाजपाने सुरू केला आहे. महाविकास आघाडीचे आजी-माजी आमदार आपल्याकडे ओढण्यासाठी भाजपा पूर्ण प्रयत्न करते आहे. आज शेकापच्या धैर्यशील पाटील यांनी केलेला प्रवेश हेच सांगून जातो आहे. मुंबई भाजपाच्या प्रदेश कार्यालयात उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे यांच्या उपस्थितीत भाजपाचा गमछा धैर्यशील पाटील यांनी आपल्या खांद्यावर घेतला. रायगड पालीमधल्या राष्ट्रवादी काँग्रेसच्या गीता पालरेचा आणि शेकापचे दिलीप भोईर यांनी यापूर्वी भाजपात प्रवेश केला आहे. त्यानंतर आता धैर्यशील पाटील हे देखील भाजपात आले आहेत. त्यामुळे रायगडमधला शेतकरी कामगार पक्ष कमकुवत झाला आहे.