गुलाबराव पाटलांची जीभ घसरली; सुषमा अंधारेंचा भलत्याच शब्दांत केला उल्लेख, म्हणाले, “बाई आहे म्हणून…”

अंधारे यांच्या आरोपानंतर गुलाबराव पाटील यांनी जोरदार प्रत्युत्तर दिलं आहे. सुषमा अंधारेंवर टीकास्र सोडताना गुलाबराव पाटलांची जीभ घसरली आहे. त्यांनी सुषमा अंधारेंचा उल्लेख ‘नटी’ असा केला आहे. जळगावात प्रसारमाध्यमांशी संवाद साधताना गुलाबराव पाटलांनी हे विधान केलं आहे.

हेही वाचा- उपमुख्यमंत्री पद दिल्याने शारिरीक वजनासोबत राजकीय वजनही कमी झालं का? फडणवीसांनी दिलं भन्नाट उत्तर, म्हणाले…

यावेळी गुलाबराव पाटील म्हणाले, “सुषमा अंधारेंना संपूर्ण महाराष्ट्र ओळखतो. त्यांचा पिक्चर (चित्रपट) कुठेच चालला नाही, त्यामुळे त्या शिवसेनेत आल्या. ठाकरे गटालाही नटीची गरज होती. ज्याप्रमाणे एखादा पिक्चर काढण्यासाठी अभिनेत्रीची गरज असते, त्याप्रमाणे यांनाही (ठाकरे गटाला) एखादी बाई पाहिजे होती. त्यामुळे त्यांनी आपल्या पिक्चरमध्ये या बाईला आणलं. ती एक बाई आहे, माणूस असते तर गुलाबराव कोण आहे, हे दाखवलं असतं” अशा शब्दांत गुलाबराव पाटलांनी टीकास्र सोडलं आहे.

हेही वाचा- एकनाथ शिंदेंना मुख्यमंत्री करण्याचा मूळ प्रस्ताव कुणी दिला? फडणवीसांनी दिलेलं उत्तर ऐकून बसेल धक्का

“या बाईने ज्या देवतांना शिव्या घातल्या. बाळासाहेबांच्या हातात तलवार दिली तर त्यांचे हात थरथर कापतील. उद्धवजी तुम्ही खाली उभं राहा आणि तुमच्या आदित्यला गोविंदा तयार करा, अशी विधानं केली. अशी बाई त्यांना कशी चालते? यापेक्षा आणखी घाण काय असू शकते?” अशी टीका गुलाबराव पाटलांनी केली.