“कल्याण-डोंबिवलीची जागा वाचली तरी पुरे” म्हणणाऱ्या राऊतांना शिंदे गटाचं प्रत्युत्तर; म्हणाले, “आंबेडकरांनी तुमची…”

या सर्व्हेबद्दल बोलताना तो विश्वासार्ह नसल्याचं मुख्यमंत्री शिंदेंनी म्हटलं होतं. तसेच, “आमची आघाडी येत्या लोकसभा निवडणुकीत सर्व विक्रम मोडीत काढेल. अशा सर्व्हेची आम्हाला गरज नाही,” असं एकनाथ शिंदे म्हणाले होते. यावरून संजय राऊतांनी एकनाथ शिंदेंना टोला लगावला आहे.

आणखी वाचा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

Nana Patole : निकालाआधी राजकीय घडामोडींना वेग; यातच…

लोकजागर : भीती आणि आमिष!

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

दखल: बायजाबाई यांच्या कर्तृत्वाचा आढावा

लोकमानस: धोरणांचा प्रचार झालाच नाही

हेही वाचा :  “मनसेने आम्हाला शहाणपण शिकवू नये”, शरद पवारांचं नाव घेत आशिष शेलारांचं मनसेवर टीकास्र!

“महाविकास आघाडीला लोकसभेच्या साधारण…”

“जेव्हा त्यांच्या सोयीचे सर्व्हे असतात, तेव्हा ते हवे असतात. राष्ट्रीय स्तरावरचा सर्वे भाजपाच्या बाजूने आहे, तो त्यांना हवा आहे. पण, महाराष्ट्रातला सर्व्हे त्यांच्याविरोधात आहे. तो त्यांना नको आहे. त्या सर्व्हेनुसार महाविकास आघाडीला लोकसभेच्या साधारण ३४ जागा मिळतील, असा अंदाज आहे. मात्र, आम्ही म्हणतो या जागा ४० ते ४५ असतील. मुख्यमंत्री म्हणाले की महाविकास आघाडीला ४-५ जागा मिळाल्या तरी पुरे. माझं म्हणणं की त्यांनी कल्याण-डोंबिवलीची जागा जरी वाचवली तरी पुरे”, असा टोमणा खासदार श्रीकांत शिंदेंच्या मतदारसंघावरून राऊतांनी मुख्यमंत्र्यांना लगावला.

हेही वाचा : ‘लोक परिवर्तनासाठी उत्सुक,’ म्हणणाऱ्या शरद पवारांना गोपीचंद पडळकरांचे चोख प्रत्युत्तर; म्हणाले, “तत्वज्ञान सांगण्यापेक्षा…”

“म्हणून स्वत:ची लायकी…”

याला आता शिंदे गटातील आमदार संजय शिरसाट यांनी प्रत्युत्तर दिलं आहे. “संजय राऊतांना कल्याण-डोंबिवलीचं काय माहिती आहे. कोणता भाग, मतदार, परिसरात किती पदाधिकारी आहेत, यांची राऊतांना माहिती नाही. तरीही ते कशावरही बोलतात. त्यामुळेच प्रकाश आंबेडकरांनी तुमची जागा दाखवली आहे. काल तुमच्याबरोबर खूर्ची लावून बसलेले, म्हणत आहेत, संजय राऊतांना मी ओळखत नाही. म्हणून स्वत:ची लायकी ओळखून भाष्य करावं. तुमच्या विधानांमुळे पक्ष बुडणारच आहे. तसेच, लोकांची दिशाभूल करताय,” असं संजय शिरसाट यांनी म्हटलं.

“आम्ही सर्व्हेवर जाणारी…”

“सर्व्हेचा संजय राऊतांना अत्यंत आनंद झाला आहे. कारण, राऊत हे कधीच जनतेत फिरत नाहीत. हे फक्त भांडूप ते मातोश्री आणि प्रभादेवीत फिरतात. ते आता सर्व्हेबद्दल बोलत आहेत. सर्व्हेची आम्हाला चिंता नाही. आम्ही सर्व्हेवर जाणारी माणसे नाहीत,” असं संजय शिरसाट यांनी सांगितलं.