मनसेची नवी कार्यकारिणी जाहीर, शिशिर शिंदे यांचे नाव नाही

लोकसभा आणि विधानसभा निवडणुका डोळ्यासमोर ठेवून ही कार्यकारिणी तयार करण्यात आली आहे. या यादीपेक्षाही शिशिर शिंदे यांचे नाव यादीत नाही याचीच चर्चा जास्त रंगली आहे. मनसेने कार्यकारिणीची यादी निवडणूक आयोगाला पाठवली आहे. २० मे रोजी मनसेची पक्षांतर्गत पदाधिकारी निवडीसाठी निवडणूक पार पडली होती.

बाळा नांदगावकर, नितीन सरदेसाई, शिरीष सावंत, दीपक पायगुडे, अविनाश अभ्यंकर, अनिल शिदोरे, जयप्रकाश बाविस्कर, प्रमोद (राजू) पाटील, अभिजित पानसे या सगळ्यांना नेतेपद देण्यात आले आहे. तर मनोज चव्हाण, आदित्य शिरोडकर, परशुराम उपरकर, हेमंत गडकरी, बाबा जाधवराव, प्रकाश भोईर, राजेंद्र शिरोडकर, राजीव चौगुले, यशवंत (संदीप) देशपांडे, शालिनी ठाकरे, रिटा गुप्ता आणि अशोक मुर्तडक या सगळ्यांना सरचिटणीस पद देण्यात आले आहे.