नारायण राणेंचा कोथळा बाहेर काढण्याचं शिवसेना आमदाराचं प्रक्षोभक विधान!

नारायण राणेंवर टीका करताना शिवसेना आमदार संतोष बांगर माध्यमांशी बोलताना म्हणाले की, ”अरे तू काय सांगतो कुठं यायचं कुठं यायचं. तुझ्या घरात घुसून मारण्याची ताकद आमच्यामध्ये आहे. माझं पोलीस संरक्षण थोडसं बाजूला कर, हा संतोष बांगर शिवसेनेचा मावळा छत्रपती शिवाजी महाराजांचा मावळा एकटा येऊन, तुला चीत नाही केलं, तुझा जर कोथळा बाहेर नाही काढला, तर संतोष बांगर म्हणू नको.”

“मी असतो तर कानाखालीच…”; मुख्यमंत्र्यावर टीका करताना नारायण राणेंचं खळबळजनक विधान!

आमदार संतोष बांगर यांचे हे वादग्रस्त विधान आज समोर आल्यापासून भाजपा नेत्यांकडून यावर संतप्त प्रतिक्रिया व्यक्त होत आहेत. शिवाय आमदार संतोष बांगर यांच्याविरोधात भाजपा तक्रार देखील दाखल करणार आहे. हिंगोली विधानसभेचे भाजपाचे आमदार तानाजी मुटकुळे यांनी ही माहिती दिली आहे. तर, संतोष बांगर यांच्याकडून या अगोदर देखील वादग्रस्त विधानं करण्यात आलेली आहेत.