मविआचा लोकसभेसाठी १६-१६-१६ चा फॉर्म्युला ठरलाय? जागावाटपावर पहिल्यांदाच बोलले संजय राऊत; म्हणाले, “काही जागांची…”

महाविकास आघाडीच्या सातत्याने बैठका होत आहेत. पक्षांची आगामी रणनीती, महाविकास आघाडीच्या सभा आणि जागावाटपाबाबत यामध्ये चर्चा होत असल्याचं बोललं जात आहे. राष्ट्रवादी काँग्रेस पक्षाचे सर्वेसर्वा शरद पवारांच्या निवासस्थानी महाविकास आघाडीच्या प्रमुख नेत्यांची महत्त्वाची बैठक गेल्या आठवड्यात पार पडली. या बैठकीला ठाकरे गटाकडून स्वतः पक्षप्रमुख उद्धव ठाकरे, खासदार संजय राऊत, राष्ट्रवादी काँग्रेसकडून शरद पवार, विधानसभेचे विरोधी पक्षनेते अजित पवार, प्रदेशाध्यक्ष जयंत पाटील, आमदार जितेंद्र आव्हाड, काँग्रेसकडून प्रदेशाध्यक्ष नाना पटोले, भाई जगताप यांच्यासह अनेक मोठे उपस्थित होते. या बैठकीत लोकसभा निवडणुकीचा फॉर्म्युला ठरला असल्याचं बोललं जात आहे.

आणखी वाचा

वसई : निधी मिळाला, तीनदा भूमीपूजनही झाले मात्र रुग्णालय नाही; आचोळे रुग्णालयाची प्रतीक्षा कायम

Maharashtra Politics : नाराज एकनाथ शिंदे भाजपासाठी अडचणीचे?

Sanjay Raut to Devendra Fadnavis: “वर्षा बंगल्याच्या लॉनमध्ये रेड्याची मंतरलेली शिंगं…”, संजय राऊतांचा दावा चर्चेत; देवेंद्र फडणवीसांना केला ‘हा’ सवाल!

“वर्षा बंगला पाडून नवा बंगला बांधण्याचा घाट”, संजय राऊतांचा दावा; म्हणाले, “फडणवीसांना नेमकी कशाची भिती?”

धारावी कुंभारवाड्याचे मुलुंड कचराभूमीच्या जागेवर पुनर्वसन?; जागा दाखविण्यासाठी नेल्याने रहिवासी संतप्त

केंद्रीय अर्थसंकल्पाने वस्त्रोद्योगाचे धागे सुखावले, कापूस अभियानासह प्रोत्साहनपर विविध योजना

लोकमानस: सर्वसमावेशक अर्थसंकल्पाची अपेक्षा

लोकजागर : घर म्हणजे फक्त इमारत असते का?

महाविकास आघाडीच्या लोकसभा निवडणुकीच्या जागावाटपाच्या फॉर्म्युलाबाबत माध्यमांच्या प्रतिनिधींनी आज थेट शिवसेनेचे खासदार संजय राऊत यांना प्रश्न विचारला. महाविकास आघाडीचा १६-१६-१६ जागांचा फॉर्म्युला ठरला आहे का? असा प्रश्न राऊत यांना विचारण्यात आला. यावर संजय राऊत म्हणाले, असा कोणताही फॉर्म्युला ठरला नाही. अशा कोणत्याही फॉर्म्युलावर कुठलीही चर्चा झालेली नाही. आम्ही तिन्ही पक्षांचे सगळे प्रमुख नेते एकत्र बसू आणि यावर निर्णय घेऊ.

हे ही वाचा >> जयंत पाटील यांच्या ईडी चौकशीवर देवेंद्र फडणवीसांचं महत्त्वाचं वक्तव्य, म्हणाले…

खासदार संजय राऊत म्हणाले, मागच्या लोकसभेत म्हणजेच आताच्या लोकसभेत आमच्या (शिवसेना ठाकरे गट) १९ जागा आहेत. अर्थात पक्षप्रमुख उद्धव ठाकरे म्हणतात ते बरोबर आहे. महाराष्ट्रात जागा वाटप करताना तीन पक्षात समन्वय साधण्यासाठी काही गोष्टींचा विचार करावा लागेल. काही जागांची अदलाबदल करावी लागेल हे सत्य आहे. काही ठिकाणी तडजोडी कराव्या लागतील.