Sanjay Shirsat : विधानसभेची निवडणूक तोंडावर आल्यामुळे राज्यात राजकीय वातावरण चांगलंच तापलं आहे. निवडणुकीच्या पार्श्वभूमीवर सर्वच राजकीय पक्षाचे नेते कामाला लागले आहेत. काही नेत्यांचे राज्यभरात दौरे सुरु आहेत. या दौऱ्यांच्या माध्यमातून निवडणुकीच्या अनुषंगाने मतदारसंघाचा आढावा घेतला जात आहे. उमेदवारांची चाचपणी केली जात आहे. मात्र, असं असतानाच महायुतीमध्ये कोणत्या पक्षाला किती जागा मिळणार? आणि जास्तीत जास्त जागा आपल्या पक्षाला मिळाव्यात यासाठी नेते प्रयत्न करत असल्याचं दिसून येत आहे. गेल्या काही दिवसांपासून जागा वाटपासंदर्भात खलबतं सुरु आहेत. अद्याप कोणता पक्ष किती जागा लढवणार? याबाबत निर्णय झालेला नाही. या पार्श्वभूमीवर शिवसेना शिंदे गटाचे नेते, आमदार संजय शिरसाट यांनी मोठं विधान केलं आहे. “भारतीय जनता पक्ष मोठा पक्ष आहे, त्यामुळे त्यांना तडजोड करावी लागणार”, असं संजय शिरसाट यांनी म्हटलं आहे. ते टिव्ही ९ मराठीशी बोलत होते. दरम्यान, संजय शिरसाट यांच्या या विधानामुळे राजकीय वर्तुळात चर्चांना उधाण आलं आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
